السلام عليكم و رحمة الله و بركاته مادري من وين ابتدي حاسه تفكيري مشوش ولدي من ثلاث ايام كمل سنه واربع شهور اسم الله عليه اهو مريض صارله جم يوم من تغير الجو لان اهو اساسا في حساسيه مثل الربو عاد الدكتور كان كاتبله على كمام بس مارضى ياخذه ضل يبجي المهم قبل شوي رحت المستوصف عشان الدكتور يكتبله على دوا بدال الكمام رحت بشوف حرارته السستر حطت ميزان الحراره تحت ابطه عاد اهو مو راضي قام يبجي جان ويها يصير ازرق و شفافيه بعد صارو زرق و انقطع نفسه و عيونه قلبت صارو بيض و السستر خذته اهي و الي معاها وقامت تركض مافي ثواني و رجع عادي طلع صوته و تنفس و رجع لونه جان تقول ليش جذي شنو في تشنج قلتلها عادي اهو دايما جذي بس يبجي ويها يصير ازرق بس عيونه ما تقلب هاذي ثاني او ثالث مره تصير بس ماكنت عارفه ان لما يبجي جذي اهو متشنج اساسا انا على قولته امي سكر من البجي مادري ان تشنج عاد سإلتني في احد بعايلتكم في صرع قلتلها اي امي قالتلي يعني في رديت عليها اي امي فيها صرع جان تقول لازم تروحون تاخذون تحويل حق مستشفى ابن سينا و تفحصونه و تسوله تخطيط مخ احتمال يكون في صرع و شي ثاني بس ما انتبهت شنو اعتقد قالت نسبة الشحنات الكهربائيه بالدماغ عاليه احس اني مو قادره افكر من رجعت البيت ايدي ترجع و حالتي حاله تذكرت يوم كان صغير يعني عمره 6 شهور او اقل شوي يتله فتره يعض لسانه لدرجة ان الدم يحتقن و لسانه كله مجروح وديته الطبيب قالتي اذا يتشنج يمكن في صرع واذا طبيعي عادي يمكن عشان بسنن او لان مكتشف هالحركه توه وبعدين ماقام يسويها بس من يبجي ويها يصير ازرق و يختنق على قولة السستر يتشنج قالتي دام امج فيها صرع ضروري تروحين تودينه لا تسكتين انا خايفهخايفه احس جنها عطتني كف على ويهي انصدمت مادري شسوي اخاف اودي ويطلع في شي ماني قادره افكر مجرد تفكير بهالموضوع احس اني مخنوقه انا عارفه مهما اتكلم مارح اقدر اوصلكم الاحساس الي حاسته بهالحظه اتمنى يطلع هذا مجرد شك الحمدلله على كل حال الحمدلله الذي لا يحمد على مكروه سواه
