كل مره اغلط واندم وارد عالنفس الموال

بنات حابه افضفض ما ادري شصار فيني صايره عصبيه وردودي قاسيه وما اثمن كلامي ابد
قبل شويه اختي اتصلت اهي مسافره المهم اتصلت تقول اتصلي فيني ضروري ما عندي رصيد وانا عالطول قاعده ادور اتصل فيها والشبكه ما تلقط الخط أو اني كنت متوتره من الخوف ابغي اتصل فيها بسرعه واشوف شصاير عليها .
المهم اهي انتظرت وشافت اني ما اتصلت عليها بسرعه فقامت واتصلت حق امي وبعدين تطلبيني وتقولي شغله سخيفه جدااا تبي تتاكد من شغله كلفت اخوي يسويها فقلتلها ما ادري وهي تعيد الكلام وتقول لا تدرين انا ابي اتاكد منج فأنا قمت واصارخ عليها من اعماق اعماق قلبي قاعده اصارخ واخربط بالكلام واقولها صرعتيني قاعده احاتي الخبر الي بتقولينه قلت يمكن صار شئ جايد وانقطع الخط .

قلبي يعورني عليها لاني الحين ابغي اتصل اعتذر لها بس قلت الوقت ما يساعد ولا حتى عبيت رصيد لاني كنت معصبه منها وما ابغي اسمع صوتها

اهي اكبر مني واحسها احيانا تستعبط بتصرفاتها يعنى مو ثقيله اهي مرت بظروف قاسيه وانا اقدر هذا الشئ بس ما ادري ليش ما اضبط اعصابي عليها ابدا وبعد ما اعصب عليها واصارخ ازعل واحقد على نفسي وايد واحس بالذنب كل مره نفس الشئ انا احبها واهي بعد تحبني بس انا ما اعرف اضبط اعصابي ولا اتصرف واعاملها باللتي هي احسن وبروح رياضيه

بنات انصحوني قولي لي شئ انااااا على عمري وكبري تصرفاتي وحده بالكى جي
كنت دايما احسن اني عاقله وعايشه عمر اكبر من عمري بس اكتشفت انه العالم كله احسن واعقل مني وانا اغبى وحده لا وهبلا بعد ابدااااا مافى عقل