عنز مرضها غريب !!!!! سقوط في الارض وعمى مفاجئ

اغنام - ابل - دواجن - طيور

السلام عليكم ورحمة الله وبركاته
الحاله والد عمر عيالها يمكن شهر
العمر تامه شبب
الحاله الصحيه ممتازه يعني سمينه
لاحظت عليها قبل اسبوع انها ظامره و واقفه لحالها شكيت في وضعها لكن يوم حطيت لهم العلف شفتها تاكل بشراهه كالعاده فتطمنت وقلت مافيها الا العافيه
ثاني يوم جيت لقيتها طايحه على الارض وترفص برجليها . وقفتها ماتقدر تاقف تشنج وتمشي اشوي على جنب وتطيح وترفص واسمع احتكاك اسنانها
طبعا الحراره عاديه وما فيه اسهال ولا شي
على طول انا قلت انه مرض الطير فاعطيتها فيتامين b1 و b12 في الوريد 10سم وبعدين لاحظت ان اسنانه تحرك فعطيتها كالسيوم 40 سم في الوريد و20سم تحت الجلد واعطيتها فيتامين اده 3 10سم و 5سم بنسلين
ثاني يوم جيت لقيتها تقوم وتمشي لكن
احسها فاقده الحواس الخمس لاتشوف مع ان عيونها طبيعية جدا ولاتاكل ولاتاتي باي استجابه لاي حدث ماغير تمشي في اي اتجاه وصوت اسنانها تصتك اخذتها وديتها للبيطري واعطاها ابر ما ادري وشي بس بدون فايده
المهم استمريت اعطيها نفس الادويه والفيتامينات صار خمس ايام لكن بدون اي فائده تمشي وتخبط بالجدران ولا تاكل ولا تشرب ولاترى حاولت اوكلها اواسقيها لكن مافيه امل . الا بالغصب اجرعها ما ودبس عشان ماتموت من الجوع. صراحه حيرتني جدا اتمنى من الاطباء واهل الخبره يفيدوني