***هنا تجمع "القطة".....لعزيمة الإدارة والجهاز الفني واللاعبين ومن يعز عليهم***

هذا النصر إللي ندور عليه
هذا النصر إللي يرفع الراس
"من زمان إنت وينك"

إنجاز ......ثلاث مباريات متتالية فوز ....هذا الطموح
ما أصدق فزنا على الفتح والأنصار واليوم على الرائد
" من يضاهيك يانصر الجزيرة "

المهم
العزيمة ثابتة ثابتة
نبغى نعزم الإدارة والمدرب وعيال عمه واللاعبين وكل من يعز عليهم
ونجيب المفاطيح وتوابعها وبنجيب بيبسي وشطة
وش رايكم نستاجر إستراحة الزامل ونسوي فيها العزيمة
وماعليكم الصرامي بيتوسط لنا عنده يراعينا في الإيجار
والقطة من 100ريال
يستاهلون
مين قدنا ومين قدهم .....ثلاث مباريات فوز

......................... ...................


لابارك الله فيمن وصل طموح المشجع النصراوي لهذي الدرجة
المشجع النصراوي بيحتفل وبيكرم ...وعشان إيش؟
فوز بثلاث مباريات


ياعالم اركدوا وكبروا عقولكم
جماهير نجران والفتح ولايهون التعاون والرائد ماسووها
طموح وضيع كوضاعة من تسبب فيه

النصر لايحتفل إلا بالبطولات
النصر لايكرم إلا من يحقق البطولات


لايعني أنني ضد الدعم...لكن في حدود المعقول
أما أن نعطي كل من هب ودب أكبر من حجمه الطبيعي فلا

افرحوا بالفوز لكن بلا مبالغة
من يشاهد فرحة البعض يجزم أنهم لايعرفون النصر الحقيقي
النصر الحقيقي وجماهير النصر الحقيقية لاتفرح ولاتحتفل إلا بالذهب.........ولاغير الذهب

......................... ......................... ...

لست محاربا للنجاحات الباهرة والخارقة التي ستغير الواقع الرياضي
لكن أنصحكم أن تحتفظوا بطاقتكم وأفراحكم لوقت التتويج بالذهب
" حينها سأكون أول المحتفلين "

......................... ..................

إللي يبغى يدفع القطة يحولها على حسابي

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ

ليالي نجد للنصر طيبي
أمانة نور عيني ياليالي