قصايد بالعـــوازم

الي صاير بالديرة شي يحر ويحرق الاعصاب والتفاخر والتناحر بالقبايل شغال والكل له حقة بانه يفتخر بنفسه لكن ما تجي على قبيله معينه وتنحط كل العذاريب ........ الي ابي اقوله ان قبيله العوازم من القبايل الكبيرة والمعروفه بالكويت والخليج وقبيله اصيله ومعروف نسبها ...






هذه القصيدة المعروفه بملحمة هوازن للشاعر الكبير عبدالرحمن العطاوي :


وفي الكويت الفيت في دار الصبح ** ديرة الامجاد مقبرة العدات
قلت ياديرة هل المـــــــــجد الاثير ** فيك ودي جلسة بين الـروات
قالت اعرب يامعبر وش تريــــــد ** قلت مبك من هوازن ياغنات
قال من جده عـــــطا جند كــــثير ** العوازم حربة تدمي الشبات
اقر عنهم كان تطربك الفــــــعول** يوم جت سبع القبايل غازيات
المحاجي خيل وركــــــــاب العدا ** يوم طاحن هللن المحصنات
عامريه مايهابون الجــــــموع** من هوازن والشواهد خالدات
قلت ياكويت الــــعرب دمتى ودام ** الصباحي فيك قهار الطغات
ذا وصلي الله علي صفوت اقريش**من عليه الله ومرنا بالصلات


_______________________________________


وهذه ايضا للشاعر والمؤرخ الكبير عبدالرحمن العطاوي العتيبي:

يالعازمي لا ما نطيع المخرف 0 0 0 0 حديث جهال العرب كلها سوف

انتم سلاله من على الجال شرف 0 0 0 0 هوازن اللي فيه امن عن الخوف

خذ الخبر مفتوح ما هم مظرف 0 0 0 0 ياعازمي فيك نوف ورا نوف

انت ابن عمي واترك اللي تجرف 0 0 0 0يابن هوازن مدها الكف بكفوف


وقال الشاعر الباحث عبدالله سند الخالدي في قصيدته التاريخيه والذي ذكر بها العوازم
بالابيات التاليه:


اخذت علمن من صحاصيح نساب /// واصاب بالنيشان جرح اللبيبه
قال العوازم من صحيحين الانساب /// مرجع رجال الطيب نجد الحبيبه
ومن هوازن نسلهم صاب ماخاب /// والي يغط النور ربي حسيبه
والي يشكك بالعوازم له اسباب /// من حر مابه يوم عنز نصيبه






بسم الله الي عالمٍ سر وجهار = بسم الله الي دايمٍ ذاكرينا
الواحد الي في يده سير الاقدار = سبحانه المعبود ياسامعينا
من بعدها جزل المعاني بالاشعار = باسم العوازم كلهم كاتبينا
نعمٍ بربعي عد همال الامطار = ونعمٍ بهم بعداد دور السنينا
(ربعن تعز الضيف وتقدر الجار = وقال السديري فعلهم مانسينا)
صارت سوالفهم تواريخ واذكار=وحنا وراهم بالمراجل مشينا
الوقت جاهم فيه نكسات وامرار = مير ان ربعي باللقى صامدينا
يشهد على قولي تثابيت الاخبار = وايضا قصايدنا تزيد اليقينا
الضد نجهم له مع شق الانوار = من ضدنا ننحره في كل حينا
كم من حريبن جا ولا هاب الاخطار = وعود من الميدان صفر اليدينا
مايدري ان باللقى نبيع الاعمار = دون ارضنا والعرض مانستهينا
من ضدنا ناتيه من كل الاقطار = ونرد في كيد العدا الطامعينا
(نجعل شعور الضد فالحرب ينهار = ومن شان طبعه من ورانا يزينا)
وياما ذبحنا من طويلين الاشبار = من الرجال الي بهم ملتقينا
نختار من بين الرجاجيل بيطار = من طبع ربعي يذبحون السمينا
هذا الشريف الي تركناه تذكار = في وسط نجد بمعركه قاتلينا
وهذا العرافه راح يم سكة النار = مايدري ان باللقى ذابحينا
ويوم النقيره بيد دهلوس وش صار = اختار من بين الرجال الثمينا
هابس ولد عشوان طيرن ولا طار = يوم النقيره ربعنا طارحينا
وايضا ولد حثلين فيصل على الدار = في ذبحته راحوا وحنا بقينا
وفيصل ترى جاله من المر قنطار = ابن الدويش الي خذينا قطينا
وجمع الدهينه ولى في نقير لادبار = وحتى السويطي جا يبا يرتضينا
والي بقوا كد دونوهم بالاخبار = من الرجال الي غدوا في يدينا
هذا ولاني للاجاويد حقار = مير ان كلن يفتخر في يمينا
كلن له اخباره وكلن له ادوار = وكلن فخور بفعلة الماضيينا
واليوم كلنا نحمي الدار وانصار = مثل الاسد متمسكن في عرينا
والطيب الي له محلن ومقدار = والطيب الي فاز دنيا ودينا
وصلاة ربي عد همال الامطار = على الرسول الي علومه حسينا







مبداي في اللي يعلم السر والغيب
الواحد المعبود رب الانامي

من بعد ذكره للكتابه مواجيب
واجب علينا نلتزم في النظامي

ابا التزم وارتب القاف ترتيب
لمحة وفا لمعربين الاسامي

ابا افتخر واظن ماب الفخر عيب
ولاني بطامر جرف والا عدامي

لي لابتن رمز السعد منقع الطيب
عز العذارى في نهار الزحامي

حنا العوازم من هوازن مجاذيب
بالعز والميقاف ناخذ وسامي

حنا العوازم ندب الضد تاديب
وحنا خزام اللي بخشمه عرامي

منا الشريف حمود شاف التعاجيب
يشهد لي الضلع الحمر في كلامي

ارسل لابن جامع رسول ومكاتيب
جابه على الحيله سواة الحرامي

جانا يقود الجيش مع شمخ النيب
ويشقق القربه على كل ضامي

يقول نشرب من هذيك المغاريب
يبا يرد صبحا بستر الظلامي

ثارت ولابه غير طق ومشاعيب
في ساحة الميدان ثار العسامي

في مفرق ابان الحمر يشبع الذيب
طش الجثث والضرب بالسيف حامي

عامين حربه لين جا قلبه الريب
شارف ل ذوق الموت والانهزامي

لكن نصره الله على تالي الصيب
وحدر رجال العز صوب المضامي

قدنا السرايا فوق حرش العراقيب
من نجد لين انا وصلنا سنامي

وجانا زمانن فيه نار ومشاهيب
لكن كسرنا الجمع كسر العظامي

حنا ترانا اللي نفك المطاليب
في الماقف اللي فيه رد العلامي

دخيلنا يرقا بروس المراقيب
يزبن ويلقا العز والاحترامي

وضيوفنا تلقا معانا التراحيب
تقلط على سمن وسمين ويدامي

وقصيرنا حنا لعينه مناديب
بالطيب لين انه يشد بسلامي

ورفيقنا يلقا الوفا بالمشاريب
دامه معانا مايسب ويضامي

البيت مرفوع العمد والمناسيب
في راس عيطا عن هبوب وهدامي

واختامها بالمسك والعود والطيب
صلوا على المختار رمز السلامي