بنت خالتي واخوي شالحل معاااهم لاموني باني خليتها مينونه

.
.
.

سلام حبوبات شخباركم!

اولا هالمشكله شاغله حيز جبير بعقلي :eh_s(10): ومو عارفه شلون احلها
حبيت اطرحها لكل لعل وعسى انكم تفيدوني فيها
اولا اخوي الروح بروح وياه عمره 26 سنه متوظف وراتبه وايد زين وكل مره تتمناه
بنت خالتي عمرها 24 سنه هي وايد تحب اخوي لدرجه انها صارت مينونه فيه
اخوي خطب وحده وتمت الخطبه ومن ثم الملجه وكل شي تمام
بنت خالتي صارت حالتها صعبه حييل :eh_s(2): وبعد فتره من ملجت اخوي خطبها ولد عمها
انا قلت شلون يخطبها وهو يعرف بسالفه >> لا تستغربوا كل العيله تعرف بقصه حبها لاخوي
المهم ما وافقت واول ما سمعت بالخبر رحت قلت لها شفيج مينونه انتي وافقي الولد اكييد 100% يحبج يعني يعرف انج تحبين واحد ثاني ويوم عرف انج متعذبه يا يساعدج سكتت وصارت
تبجي بجي قطعت قلبي :eh_s(2): هديتها وقلت لها حبيبتي عسا ان الله ينسيج اخوي بولد عمج
بعد جم اسبوع وافقت وفرحت لها حيل لان هي رفيجتي وانا كان ودي تكون لاخوي
بس اخوي حالته صعبه حيييل يحب خطيبته ويموت فيها تمت ملجتها بخير وصار كل شي بسرعه
بعد جم اسبوع اخوي فصخ خطبته ورحت قلت له شفيج انتا تحبها شصاير لج :rgewrg: البنت موب لعبه عندك بعدها اخوي عتب انه يتزوج مره ثانيه بنت خالتي فرحت انه فصخ الخطبه وعلى طول هي فصخت خطبتها رحت قلت لها اخوي لا تفكرين فيه كارهـ اي وحده ما يبي يتزوج شفيج
ولد عمج يحبج لاكن لا روح لمن تنادي :rgewrg: ويوم يا اخوي بالمحكمه يطلق مرته مدري شصار
وتراجع انه يطلقها وردو حق بعض وتم الزواج بعدها بنت خالتي ينت وقومت الدنيا وردتها
حطت كل سبب طلاقها فيني تقول انتي الي قلتي لي فصخ خطبته وبيطلقها شلون تجذبين قلت لها
انا ما طقيتج بيدج وقلت لج اطلقي
وبعدها صارت وايد خلافات بيني وبين امي وانفصلنا وهاذي المشكله لها فتره طويـله امي ما تحاجيني ولا عمتي وكلهم قاطين اللوم علي بني يننت بنت خالتي :eh_s(2): هي بنت خالتي وبثابت اختي والله اني احبها وما ابي لها غير الخير
الحين انا وايد محتاجه لامي وحاولت افهمها السالفه بس البنت ضاعت والله اني اعرف اني
ما سويت شي ابدا بس برضه اقنعوني اني انا السبب بني يننتها :eh_s(2): بنات محتاجه حق امي ودي اول ما اجوف بعد ما اولد امي وهي تواسيني وتتحمد لي بسلامه ما اعرف اذا بقوم من الولاده ولا
لا بس صعب ان الناس يهدونج اخوي الوحيد الي يزروني بس في مشاكل ما تتحاجى للريال :eh_s(2):

كتبت هالمووضوع بس لاني ابي حل اي وحده بتنتقدني ترى انا موب ناقصني :eh_s(2):
الي ابيه منكم:
منو الغلطان انا ولا بنت خالتي !!؟..
وشسوي بامي عيزت واانا افهمها
حتى طردتني وصارت ما تبي تشوفني
وبنت خالتي صارت فيها حاله نفسيه والكل لاموني باني انا السبب
.
.
.