||~~~ بنـآت مساعدة بتصاميمي ~~~ ||

السلام عليكم

بنات انا حابه اسوي لي تصاميم ملابس واكسسوارات .. وحابه استفسر عن كم شغلة
اول شي انا ببدأ بالاشياء البسيطه لين اشوف بعدين ..

يعني ببدأ بالبلايز والشوراتات والتنانير كل التصاميم علي انا طبعاَ .. الملطلوب انا اصمم وأحد ينفذ
بغيت اسالكم الحين لو مثلاً رسمت موديلات واشتريت الاقمشه .. مين ينفذها لي ؟ لاني ماعرف بالخياطه زين
سالت امي تقول خياط .. المشكلة انا مره وحده تعاملت مع خياط وماعجبني شغله .. قلت لها مشغل قالت لي بيدبلون الاسعار يعني يمكن يكون نفس خياطه الخياط بس اغلا .. وطبعاَ سعر القماش على التصميم وانا بصمم اشياء واجد ابيعها مو كم قطعه وبس ..

وتراني بالشرقيه


:p



فَ حابه اسالكم شرايكم بالخياط ؟ اخاف اسوي كميات كبيره عنده وبعدين اتوهق مايعجبني شغله ..
وكمان المقاسات كيف اعرف للمقاسات انا اذا بسوي ملابس بسويها كلها على مقاسي هههههه فَ لازم اعررف مبدأ القياسات من كل قطعه وهذا شي صعب بس يبيلي ادرس الموضوع اكثر..

:D
بس انا عندي تصاميم كثيره مره في بالي وستايلات عجيبه وحاسه اني بتفنن فيها .. ابي اطور نفسي صراحة بسوي شي ابيه بشده =)
بعد مااجرب الملابس بجرب الاكسسوارات وبعدها الشوز الله يكرمكم

بس الحين انا متوهقه بسالفة الخييياطه ... تصاميم اوكي اقمشه اوكي .. بس مين ينفذ < ستين مره قالتها
يلا بنات ساعدوني فديتكم قد ماتقدرون ..

علشان بعدين اذا صار شغلي زين اوزع عليكم تصاميمي :$

:p

وبنات اذا عندكم موقع يساعدني حطوه لي الله يجزاكم خير