ودي أسامحك عن غلطتك لكن شلوون ؟!

ماعاد في قلبي اشواق وغرام وشجون ,,
الحزن والضيق ماخلو في قلبي : مكان ,,


البارحه عقب ليل البارحه وش يكون ؟!
ماعاد احاتي كسر بيرق كبوه حصان ,,


منك انت ياللي اخبر انك خجول وحنون
في وقت فرقاك قل لي وين راح الحنان ؟!


ودعتك وكل رمشه من هذيك العيون,,
يعيش فيني قلق ويموت فيني امان ,,


علمتني كيف اعيش من الفراق مغبون,,
وعلمتني وش تعني كلمه الامتحان ,,


ووريتني كيف دمعي ينزل من الجفون
ووريتني كيف عشري تنقص الى ثمان


ودي اسامحك عن غلطتك لكن شلون ؟!
اسامح اللي عطيته كل حبي وخان


ليتك بعد ماخنتني .. علمتني كيف اخون !
عشان ارد اعتباري معك ..والا عشان


اضحك واكابر واقول انك عزيز وتمون,,
مع خالص الشكر والتقدير والامتنان,,


مشكلتك انك اذا حنيت زدت الطعون ,,
ومشكلتي اني احاتي تركتك من زمان,,


كل شي يجي بعد المفارق يهون ,,
الا انك تشوف روحك مع فلان وفلان ,,