بسم الله الرحمن الرحيم
كثرت المصادر والاخبار في الموقع يمكن بعضها صحيحه وبعضها
غير صحيحه المهم الي بخاطري بقوله ولي فيها فيها يعني معليش ياجمهور
الزعيم انتم تبون كل شي بمجرد تكتبون في الموقع ونتم متكين على
الكنب وتنتقدون المدرب مانبيه الاعب الفلاني مانبيه جيبو هالاعب
طيب هل نحن قريبين من داخل اسوار النادي وما يحدث اكيد لا نحن
نشاهد الي في الملعب فقط يعني المدرب حطيتو فيه حطه أدري أنه غلط
كم مباراة بس مو معناه انا نطالب بالاقاله صدقوني الي بيجي لن
يكون افظل ماعدا قرتس
طيب تدرون المدرب الي بيجي يبيله وقت لين يتعرف على الفريق ويحط
التكتيك المناسب وحلني لين يتعرف على مستويات اللعيبه ويوضفهم
التوضيف الصحيح ويعرف مكامن القوه والضعف في الفريق كل هذا
يبيله وقت وصبر انتم اقصد البعض حكمتو على المدرب من ثلاث مباريات
وتعرفون انه استلم الفريق في وقت متأخر والاجانب تعاقدو معهم من قبل
ولم يكن له اي أختيار أنا لا اقلل من عمل ألاداره يمكن لهم العذر الي لا نعلم عنه
ارجع للمدرب اللعيبه متى اجتمعو غير مبراتين او ثلاث والسبب التحاقهم مع
منتخب اول والومبي وشباب ومنتخب ب يعني مثلا العابد والفرج والبيشي
وسالم متى استفاد منهم غير كم مباراة ياجمهور الزعيم انا لا أدافع عن المدرب
ولاكن التغيير لمجرد التغيير كارثه لاتحمد عقباها خلونا نترقب ونعطي الاداره
الحريه في تدبير شؤون الفريق من غير تدخل منا ومطالبات ومصادر لا نعلم
صحتها وخلو شبيه الريح يعمل بهدوء واكيد راح يعمل الي فيه الخير لزعيم
وعلى فكره بينا وبين المتصدر نقطه وحده يعني وضعنا مو سيء زي ماتتصورون
وقالها شبيه الريح لن نغير المدرب لمجرد التغيير يعني الامير عبدالرحمن بن مساعد
عارف وش يسوي
يكفي مقلب ايمانا انتم الي اخترتوه وطالبتو فيه لين جابوه والحين ماتبونه
ارجو منكم الصبر وعدم التدخل والمطالبات الي مدري وش تبي
قلتها من قبل ادارة شبيه الريح ابخص في شؤون الفريق حنا مهمتنا تكمن في
تشجيع الفريق وتشجيع ادارة شبيه الريح الي تحاول ترضينا على طول
ولكم في تحسينات النادي اكبر مثال ارجو منكم الصبر فقط وعدم الضغط
على الاداره
ودمتم زعماء
