-
يازين وينك ؟؟؟
السلام عليكم ورحمة الله بوركاته
أخواني الأعضاء هذه قصيدة
متواضعة أنزلها للمنتدى
وكل أملي هو أن تحوز ولو على
قدر يسير من رضاكم وإعجابكم
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
يازين وينـك سـود الهـم دنيـاي=وين انت قلي يـا كثيـر القطاعـة
تضحك لي الدنيا إذا صرت ويـاي=وتعبس بوجهي لو تغيبيـن ساعـة
يا شين حالي يوم قالـت لنـا بـاي=وانا عشيـق ٍ مـا اتحمـل وداعـه
كني كسيرٍ وانحرم شربـة المـاي=ولا رضيعٍ انفطـم مـن رضاعـة
لو كان قربه ينشرى كنـت شـراي=يشريـه قلـبٍ مـا تنكـر وباعـة
ربيع عمري جف من حر صحراي=وغيري من الامطار ما جف قاعـه
وصلك حلم يا غاية الروح ومنـاي=ومالي بغيرك يـا حبيبـي طماعـة
أصبحت عقبك تايه الفكر والـراي=واصبح حزين الحرف يشكي ضياعة
الحزن عقبك بحر والهـم مرسـاي=والفرح مركب تاه حطـم شراعـة
ورغم الجفا ولاصد مازال مبـداي=احـب خلـي لـو تغيـر طباعـة
والله يكون بعون مثلـي وشـرواي=اللي على الفرقـى قليـل المناعـة
في ذمتـك قلبـك تهنـى بفرقـاي=ولا مثـل قلبـي يزيـد التيـاعـه
مالي ونيسٍ عقبكـم غيـر مركـاي=ولا زارني طيفك نسيـت الجماعـة
وليلٍ وشعر وحزن وبيالـة الشـاي=ولحـنٍ حزيـنٍ أستلـذ بسمـاعـه
حاولت أداري بس يفضحني بكـاي=لا جابـو اسمـك أفتقـد الشجاعـة
والله يستر يا حبيبـي مـن الجـاي =أخاف اموت إن طال منك القطاعـة [/poem]وسلامتكم
أخوكم حزين الحرف
عبد الرحمن سعد الدوسري
لسماع القصيدة
[rams]http://members.lycos.co.uk/adn249/zeen.ram[/rams]
http://members.lycos.co.uk/adn249/zeen.ram
لتحميل القصيدة
http://members.lycos.co.uk/adn249/zeen.rm
-
حاولت أداري بس يفضحني بكـاي ^*&*^ لا جابـو اسمـك أفتقـد الشجاعـة
ياعيني عليك ياعبدالرحمن
تعديت الابداع هنا
والجمت الكلمات عن وصف جزالتك
تحياتي لك
-
[align=center][grade="00008B FF6347 008000 4B0082"]عبد الرحمن الدوسري
وصح اللسانك ولاهنت
قصيده تحمل من المعنى ماهو جميل
ابيات في قمـة الروعه
فتقبل مني ارق تحيه
اختك
الغلا[/grade][/align]
-
[align=center]
أخوي
عبدالرحمن
لله درّك
وصح لسانك
قصيده تعلق في الذهن
وتصدح بها الأسماع
بيت لايفارق الذاكره
وزبدة الهرج /
[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تضحك لي الدنيا إذا صرت ويـاي=وتعبس بوجهي لو تغيبيـن ساعـة[/poem]
سلمت أناملك
وطاب فكرك
تحياتي لك
أخوك
راكان محمد
"[/align]
-
[frame="7 80"]أصبحت عقبك تايه الفكر والـراي
واصبح حزين الحرف يشكي ضياعة[/frame]
[align=center][glint]حزيــــــــــــــــن الحرف [/glint]
صح لسااااااانك
قصيـــــــــــــدة رائــــــــــــعه
تقبل متابعـــــــــتي[/align]
-
كل عام وانت بخير يالعزوه
حزين الحرف
اسم يلازمه الابداع
تحضر ويحضر معك الشعر العذب
للك درك لله درك كم انت رائع وممتع
تحياتي لك لاعدمتك
-
وصلك حلم يا غاية الروح ومنـاي
ومالي بغيرك يـا حبيبـي طماعـة
أصبحت عقبك تايه الفكـر والـراي
واصبح حزين الحرف يشكي ضياعة
الحزن عقبك بحر والهـم مرسـاي
والفرح مركب تاه حطـم شراعـة
الله
الله
الله عليك ياحزين الحرف
كنت متأكد انني سأجد الجمال هنا
ووجدت تحفه ادبيه راقية
لله درك
-
أخوي وليف الهم
صح بدنك يسعدني ويشرفني أن
تكون أول من يرد على متواضعتي
لك مني كل الشكر والحب
-
الغلا صح بدنك
وألف شكر على المرور
والرد الجميل
وإن شاء الله اكون عند حسن الظن
دائماَ وأبداَ
-
أخوي راكان
مرورك على متواضعتي زاد من جمالها
وجعلها تتباها امام اخواتها
صح بدنك وألف شكر على المرور
والكلام الجميل
لك الود والورد
-
شاعرتنا حنين نجد
يشرفني متابعتك لقصائدي
حتما سيزيد من جمالها
صح بدنك
وألف شكر على الرد
لك الورد
-
أخوي مبارك
وانت بخير وصحة وسلامة
بصراحة لا احس بإكتمال قصائدي
إلى بردك لا حرمني الله منه ومنك
صح بدنك ولاهنت على الرد
والإطراء الجميل
أتمنى أن أكون عند حسن الظن
دائماَ وأبداَ
-
عشق ليل
الابداع هو حضورك
وردك الجميل
دائماض ارقب ردودك على
قصائدي المتواضعة
لأباهي بها
لك الحب والود
-
[align=center]
الله
الله
يابو سعد
قصيده جزله وتصوير رائع بأجمل المفرداااااات والمعاني
جزل..جزل.. جزل.. ايها النقي بكل ماتعني الكلمه
صح لساااااانك ااااالف مليااااار ولاهنت،،،،،،
وتقبل تحيااااااتي وتقديري،،،،،،،،[/align]
-
حزين الحرف
الله عليك دئم مبدع
جزل والجزل مايجي منه الا الجزل
تقبل تحياتي
