كلمات كتبتها طفله صغيره بعد وفاة أمها

كلمات كتبتها طفله صغيره بعد وفاة أمها
يمه
تكفين اسمعيني
يمه بسالك شي
جاوبيني
هو صحيح إلي مات داخل
القبر يصير حي
يمه
اسمع إنا صوتك
كل يوم اسمعه
و إذا أحاكيك هاو شوني
قالو لي يالله روحي لعبي
يمه تعالي ارجعي
و الله خلاص بسمع كلامك
ماخرب ألعابي
وان قلت يالله نامي
أروح حتى ماتزعلي
يمه تكفين ارجعي
اليوم حطت المديرة نجمه بدفتري
سمعتها تقول مسكينه هالبنت صارت يتيمة
قالت لها ابله منيرة
مسكينة توها صغيره
يمه وش كانوا يقصدون
يمكن عشاني صرت عاقله
ولا عشاني دايم اسرح
يمه مريولي توسخ
ماكان قصدي أوسخه
بس تذكرت انك تقولين بعد شهرين
بشتري لك لبس ثاني
يمه تعالي اشتري لي
يمه عرفتي مها
صديقتي إلي معي
زعلتني
تقول صرت إنا ماضحكها
راحت تدور غيري
عشان تلقى احد يونسها
يمه خلاص لا تمزحي
يالله قومي تعالي للبيت ارجعي
يمه نسيت اقولك شي
بقولك ترى بيتنا صار فاضي
بالله ارجعي معي علشاني