•• تواعدنـآ على آلجمعه ولآ جآني إلآ آلآثنين ••
رجع يسأل عن أخباري بعد غيبة سنه وشهرين
رجع شايل وجع صدره وقال أرجوك واسيني
رجع كنه يحسبني سعيد بدنيتي أو زين
وهو مايدري الدمعه تسيل ولا تسليني
دمع هالوجه أو كنه جمع في غيبته جرحين
وأنا عيني بدت تدمع على حزنه وتبكيني
يقول الدنيا خانتني وبعدك يالغلا سكين
ولا أحدن يالغلا غيرك يقدرني ويراعيني
حبيبي ضقت بغيابك حبيبي حيل أنا مسكين
وأنا جيتك بهالليله وتكفى أبد لاتخليني
وأنا لامن نطق ( تكفى ) عطيته لو طلب هالعين
وأجود بكل مايملك خفوقي وتملك يديني
وقلت :- أبشر ولايهمك تدلل وش تبي يازين
تراني فدوة عيونك ( لو انك جيت تشقيني )
حبيبي لوتبي القمره عطيتك فوقها ثنتين
بعد لوتطلب النجمه أبنطق جيتك اضويني
بعد هذا ضحك بعثر همومه سلهم الرمشين
وقال :- الله يالطيب وأنا ظنيتك ناسيني
صراحه حيل تحرجني ياطيب يا أطيب الغالين
ولا أدري كيف بوفيلك حبيبي وأنت تعطيني
بعد هذا تسامرنا وتواعدنا بعد يومين
ووصيته على قلبي وهو مثلي يوصيني
تواعدنا على الجمعه ولا جاني الا الأثنين
ومر أسبوع والثاني وشوقي يشتعل فيني
تصدق عاد يالسامع ولا جاني الين ألحين
وقبل تسأل عن أسبابه بجاوب (وأنت واسيني )
لأنه مات في حادث وأنا مت بغيابه لين
[[عرفت اني كذا ببقى ولا أحد يقوى يحييني ]]
- تقبلوا تحياااااتي -
