أوقات مايطري على البال طاريك وأوقات من شوقي أناجي جدارك

أوقات مايطري على البال طاريك
وأوقات من شوقي أناجي جدارك

وأوقات أخلي كل هالناس وأجيك
وأوقات رجلي تنحرف عن مسارك

اشتقتلك وأهواك وأبغاك وأرجيك
وأكرهك وألعن أبو جد ليل إنتظارك

أزعلك وأزعل عليك وأرضيك
وأزعل على نفسي وأرد أعتبارك

أهوا (( شموخك )) وأفتخر في تعاليك
والعيد عندي يوم أشوف (( إنكسارك ))

من هيبتك قلبي يفز ل معاليك
ومن قل قدرك صرت أحب إحتقارك

أشوف بك لا أقبلت هيبة مماليك
وأشوف بك لا قفيت أقوى معارك

أقبل جنون العاشق اللي مباريك
وإن ما قبلت أنت ناوي دمارك

أبقتلك وأدفنك وأندبك وأبكيك
وأبرجع أقتلني وأوفيك ثارك

أما حياة تسعد اللي مخاويك
ولا ترانا بالممات إنتشارك

مابين أبيك وبعض الأحيان مابيك
هذا شعوري وأنت حدد قرارك*