بمناسبة الشتاء والنار ،،، قصيدة جديدة

جاء الشتاء
ولا يحلو الشتاء
بدون فاكهة الشتاء .... (النار)
ولكنها أحياناً تكون مصدر لمواجع شاعر
..................

ياشبة النار شبيتي مية عله
في جوف صدري بعد ماكنت نسياني

ذكرى الشتا يوم كنا نجتمع شله
متكاتفين لبعضنا مثل الاخواني

حلو السوالف وطيب المجلس ودله
وبراد شاهي يخلي البال طرباني

الليل لو طال لازم نسهره كله
مافيه من راح كل ٍ بات سهراني

واليوم يانار شوفي صاحبك مله
يعيش من بعد حلو الجمع وحداني

تبكي عيونه بصافي الدمع وتهله
مالومها لو بكت من بعد خلاني

الله يكتب عقب ترحالهم حله
ذي منية القلب ماله عقبه آماني

تقبلوا تحياتي شاعركم
مرهف الإحساس

بإنتظار تعليقاتكم