اساسيات برجيمي واشياء ساعدتني على نزول الوزن

السلام عليكم


بنات هالموضوع راح اكتبة ومو منقول من اي مكان وكل هالاشياء انا مجربتها ..واهيا مو بس حق المتان لا حتى الضعاف ممكن وايد تفيدهم

اول شي وايد ناس فاهمه الرجيم شي مؤقت وخلاص راح تهده وترد حق عاداتها السيئة

شكثر لما نسوي رجيم نسمع هالعبارات .. "شفيه ويهج اصفر " اكلي فاكهه .. شكلج تعبان .. عسى ماشر .. والخ

ونتضايق اكيد ونحس بالاحباط وممكن نخرب الرجيم

هذا كله عشان في اشياء محتاجينا ندخلها برجيمنا بس مو عارفين شنوو

والحين بقولون لكم عنها وانا جربتها ماشاء الله وايد نفعتني

1- الليمون ( عصري ليمونه واحده ودخليها باي وجبه من الوجبات )
الليمون يعطي ويهج نضارة ولون وردي ومو بس جذي حتى داخل الجسم يساعد على الهضم .

2- العسل ( اخذ منه قفشه صغيره باي وقت اشتهيت شي حلو )
ماراح اخلص لو بتكلم عنه بس لاحظت انه يساعدني لما احس بالدوخه والصداع ووايد زين حق الجسم من داخل وانا الي اكله اهوا عسل المعجزة

3- حبة البركة ( احطها بالعسل بعض المرات او اخذ منها قفشه صغيره وادخلها بالاكل لان مالها طعم قوي )
بنااات حبة البركة وايد مهمه فيها اوميغا 3 واوميغا 6 وهالعناصر موجوده بفول الصويا بعد ولاحظت من بديت اكلها ماحسيت بالام الدورة الشهرية ابدا ماشاء الله

4- الزنجبيييييل ( لو بتاكلونه لازم حق الكبار 4 جرامات مايتعدى هالكمية لانه ممكن يضر )
ولاتاكلونه مع الفلفل لانه قوي وممكن يسوي ثقب بالمعده والي ماتتحمله في شاي زنجبيل وايد مفيد ويحفز عملية حرق الدهون

5- السمسم ( اكله مع التمر اي ونسيت ترا التمر شي اساسي كل يوم اكل منه واحط فوقه دبس )

6- المكسرااات ( اكلهم ني بدون ملح بدون اي شي واااايد ضرورية وفيها كل المعادن )
المكسرات الي اكلها اهيا : فول سوداني بس حبتين ولوز والجووز الي جنه مخ ( فيه اوميغا 3 ) وبعض الفواكه المجففه

7- الشاي الاخضر تعمدت اقوله اخر شي لانه وايد ناس ماتحب طعمه
بس الشاي الاخضر واايد يحفز عملية حرق الدهوون اشربة على الريج وبعده بساعتين اتريق

8- شي وااايد مهم وايد ناس ماراح تحس بقيمته الا اذا فقدته وان شاء الله ماتنحرمون منه الللي اهوااا

الماااااااااااي ( لازم لازم لازم تشربون كل يوم لترين من الماي ) بمجرد تتحركين او تفكرين او تنامين جسمج يفقد كميات كبيرة من الماي لاازم تحصلين عليها

. وترا لما تشربون وايد ماي تتخلصون من: الامساك .. شراهة الاكل .. شحوب الوية

9- القرفة ( بالكويتي دارسين ) مو كل يوم اشربها بس قاعده احاول اسويها وقت العصر

بنات القرفة تنتج مادة مهمة وهذي الماده تحفز الجسم انه يكون عضلات فوق الشحم معناته اذا سويتي تمرين حق منطقه معينه ممكن تساعدج ان تتخلصين من الشحم اسرع.


وانا كنت اعاني من مشاكل بس ماشاء الله لاحظت اني تخلصت منها بسبة الاكل صج صج " العقل السليم بالجسم السليم "

وبنات في مثل انجليزي يقول "you are what you eat "

يعني لو تاكلين خرابيط وحبوب ومادري شنو اكيد بتكونين مريضه وتعبانه ..

والي تاكل زعتر واشياء مفيدة وتنام عدل اكيد بتفكر عدل وتكون ذكية



وبنات في بعد وايد نصايح ثانية مو بس بالاكل حتى بالعادات السيئة حبيت اكتبها بس ان شاء الله القى منكم تشجيع وهتمام

والرجيم تقدرين تسوينه باي مكان بالسوق بالسفر طول الوقت راح تلقين خيارات وايد جدامج

والي حابة تنقل موضوعي تكتب اسمي واسم المنتدى