حدي متضايقه من الموقف الخايس اللي صارلي بمركز سلطان
قوه بنات @@
وربي حدي متضايقه ومنغبنه من هالموقف وانا اصلا صارلي جم يوم متضايقه وصار هالموقف
زادني !! جيت بروح لولو هايبر مشتهيه ربيان بقشوره بتبله واشويه حده بخاطري وانا مااكل اكلي
موذاك الزود وحدي متسلوعه من الحمال المهم كلمتني رفيجتي قالتلي لاتروحين لولوهايبر فيه
مرض منتشر ماادري شنو طبعا هالشي مواكيد يمكن اشاعه بس مووقته اغامر ف غيرت وجهتي
لمركز سلطان وياليتني مارحت !
بنات وقفت عند الستاند مال السمج ماكو احد نطرت ... نطرت سالت عامل وين اللي يبيع ؟؟ جان
يقولي الحين يجي :: شوي والا جايه هذيج الحرمه اللي عمرها بالخمسينات تقريبا ومعاها بنتها
بنتها بعد كبيره فيها شي وثلاثين المهم ::
جت المره تنادي بصوت عالي ع المصري باسمه والا يجي طاير ويقعد يعطيها السمج قتله لحظه
يبا ترا صارلي وقت انا واقفه مايصير جذي !! جان يقط السمج ويجي بيعطيني الربيان واهوا قاعد
يوزن جان تقولي الحرمه الكبيره :: اعصابج اعصابج ماصارلج 5 دقايق !
مع انها ماتدري انا من متى واقفه قتلها لوسمحتي انا موقاعده اكلمج انا قاعده اكلمه !
جان تقعد تتطنز على كلامي تقلدني ابيه بوقاحه وبنتها تضحك المهم قلت يالله الله يخليك خلص
المهم وتقعد تضحك اهيا وبنتها والا تقول "" والله اذبحونا هاللفو بدون مادري شنو مادري من وين
يايين "" :: بنات انا هنيه صرت جذي :eh_s(14): والا تقول طلعي طلعي بطاقتج اشوف عندج بطاقه
والالا !! :rgewrg: انا هنيه انفجرت :: التفت عليها قلت والله محد لفو غيرج بطاقتي اطلعها واحطها
بعينج وجنسيتي تاج على راسج !! والا البنت تصارخ : احترمي نفسج احترمي امي !!
الله واكبر الام تغلط والبنت تدافع :eh_s(1):
قتلها خلي امج تحترم نفسها شنو لفو ولفو محد لفو غيرج طالعي وجهج يالكاوليه !! والا تقرب
البنت مني وتصارخ لا وتبي تمد ايدها بعد !! قتلها شوفي لاتمدين ايدج انا مره حامل احترمي نفسج
ولمي امج اللي مااحترمت حتى عمرها استغفرالله !! هنيه تدخلوا المسئولين وانا صراحه خفت
على نفسي كوني مره حامل وماحبيت تكبر السالفه والعالم تقعد تصور عاد مايصدقون على الله
قتلها انا ان وديتج المخفر راح يبين هناك منو فينا اللفو ( طبعا اكلم البنت ) والا تقولي يالله يالله
خن نشوف جان احذف الربيان وقبل لاامشي قتلها اي ماعندج مانع لانج كاوليه ومفضحه خخ
المهم مشيت ويقومون يصارخون والام تقول عسى حوبتي ماتعداج بتشوفين حوبتي :eh_s(1):
استغفرالله اهيا الغلطانه واهيا اللي تحلطم بعد احتريت يابنات وقمت ابجي ماشريت كل اغراضي
طلعت على طول والمسئول يحاول يهديني قتله : كله من موظفكم قليل الادب اللي ناس وناس !!
رديت البيت حدي مغبونه اسوق وابجي والعالم تطالع فيني والله مااشوف الطريج من دموعي
حررتني حسبي الله ونعم الوكيل فيها وف بنتها ..
انا بنت قبيله والحمدلله مافيني عرج حمدلله اصيله مع احترامي للبدون كلهم والله اني احبهم
ولي معارف وصداقات بس قهر لمن شخص مايعرفك ويقولك ياللفو يالبدون !! خصوصا وربي
شكلها عراقيه هكريه !
حسبي الله ونعم الوكيل وربي اني من جيت ماكليت شي حدي متاثره من الموقف ومستغربه
من وقاحة هالمره وبنتها استغفرالله البنت بدال ماتسكت امها اللي عقلها عقل جاهل لا قامت
تصارخ معاها صج مفضحات الله لايبلانا
وسلامتكم (( حبيت افضفض بس :eh_s(2):))
