فضيحتي صارت أمام أكثر من 200 وحده ..
مسسسسسسسسساء الخيييييييييييييير
شلونكم ياحلووين... بنات أنا واااايد متظايقه من نفسي وصايره متهوره من شفت هالمزيووووون وأحس عقلي زر :ggdw: وصايره أقط خيط وخيط مادري من العنوسه ولا من المزايين أللي يمشون ومالهم والي يلمهم ويزوجهم :eh_s(2):
البارح عزمتني رفيجتي أعزها واااايد بس ألحين خلاص بقطع الوصل وبقطع العلاقه لأن مالي ويه :eh_s(2): أطالع فيها عقب أللي صاار.
رفيجتي صارلها شهر تعزمني علي عرس أخوها تقول عرس ويليام وكيت تعالي تعالي ولازم اتحضرين وأن ماحضرتي بزعل منج دقيت علي أختي الوحيده قالت أموول عيالي كلهم مرضي دقي علي عمتي تروح معاج تحب هالسوالف عمتي مثل أمي قريبه لنا حيييل وعمرها تقريبا بالستين عوده بس تموت علي سوالف الطقطقه ولعب البنات علي قولتها قصدها الرقص مادري رايحه مع حبابه المهم رحنا العرس خليط بدو وحضر البنيه أمها حضريه وأبوها بدوي والعرس صاير مكس بدو وحضر وماشاء الله كشخه وحاطين طقاقه ودي جي والعرس صج متعوب عليه وماشاء الله زحمه زحمه مع أنه أنا وعمتي رحنا علي الساعه 8 ونص والله يالله حصلنا مكان نقعد من الزحمه ماشاء الله أهلهم وااااااااايد المهم بنااات أنا ماعرف أرقص والله عرس أخواني مارقصت فيها ولاعرس أختي الوحيده حدي أصفق وأوزع أبتسامات :eh_s(8): وأذا دش أخوي وقعد بالكوشه وشفتهم يرقصون عماتي وأختي أخذني الحماس وطقيت رقبه بس طق رقبه يفشل جني أسوي تمارين سويديه يمين يسار يمين يسار يعني أللي يطالع فيني يقول الحمدلله الذي فضلتنا علي كثير من خلقه المهم رفيجتي هذي الله يهديها نامت براسي أمانه أموووووووول رقصي أوكي أنا كاشخه ورايحه الصالون بس هذا لايعني بتاتا أني بتهور وأرقص أنا أعرف نفسي قالت أموووووووووول والله ماتدرين لو نصيبج يمشي بهالعرس وأنتي بنيه ولازم ترقصين ويشفونج الحريم وحرام كشختج تروح جذيه مادري أللي يشوفها يقول دافعه فلوس الصالون وشاريتلي البدله وتزن براسي رقصي رقصي قلت أنتي ماتفهمين أنا ماعرف أرقص قالت تعالي وودتني غرفة تبديل الملابس الغرف أللي بالصاله يحطون فيها العبي وأغراضهم واليهال ينامون فيها ورحت أنا وياها جان تقول رقصي قلت شوفي دام أني بتهورخليني أجرب بطئ جااااااان أفرها :krkrkr: قالت لا ياويلي ويلااااااااه قلت أومبيه شفيج ليش ياويلج ويلاه قالت الناس بتضحك عليج بيقولون هذي حيه قلت والله هذي أمكانياتي بالرقص أنا بحياتي مارقصت قالت جربي السريع جان أنط نطتين وأسوي نفس الرقص الشعبي أللي قبل بالمدارس وبالحفلات المدارس أغنية ( حنينا الأيادي بفرحتج يابلادي ) حلوه الثقه مادري مضروبه علي راسي ماشيه معاها وقاعده أوريها أستعراضاتي تقول نيلي ولا شريهان جان تقول ستووب أهنيه الرقصه هذا المطلوب رقصي هالرقصه وعليه عليهم الخدامات أللي معاهم اليهال قاعدين مخوزر فيني أحسهم يقولون هذي من أي كوكب نازله :eh_s(2): واليهال عقب ماكانوا يبجون ناموا قالت هاه أموول خلاص ترقصين قلت أفا عليج أعتمدي روحي حدي صدقت نفسي قلت بس دليني وين المكان أللي ترقصون فيها أن بغيتي اليوم أنا من قبيلتكم وخري بس عطوني الأوكي بس جان أروح وأقعد عند عمتي قلت عمتي برقص والله جني قارصتها قالت شنهوو هو هو هو شحقاا قلت بعد حق أنا بنيه برقص قالت عمتي أنتي ماتعرفين تلعبين قصدها ماتعرفين ترقصين قلت أنتي قلتي تلعبين يعني الرقص سوي بعض اللعب صرت سندريلاا قالت وأنا عمتج ماني رادتج يوم أنج تعرفين تلعبين ليش مالعبتني بعرس أخوانج ولي هذا وقتها تحاسبني عميمه قلت أللي أهوا علي قولة المصريين أهيا ** موته والسلام** أنا بخربها طالعه من بيتنا ناويه علي الشر شنو ناقصني الرقص شيبيله غير شوية نط :eh_s(9)::eh_s(9): جان تقول الطقاقه ألحين الاغنيه خاصه حق أمل رفيجة أخت المعرس هم وأرد وأقول حلوه الثقه حاطه أغنيه خاصه أنتي عرفي رقصي بعدين حطي أغنيه خاصه ولاذيج الأغنيه السريعه أسرع من الفراري علي الخط السريع ماقدرت ألحق أسمع كلماتها اللهم صدت كلمتين وأبوها يكرم الظيف مادري معزومه علي مطعم :eh_s(22)::eh_s(22): أللي أهوا جان أنصدم لما شفت الموضوع صار جد ولا أقول لرفيجتي لأ قالت تعالي جان أتيي صوبي للأسف كنت قريبه عند الطقاقه جان أتيرني بأيدي لما شفت الموضوع صار جد قلت خربيها يابنيه جان أرقص ذيج الرقصه هقيت تصير خبر عاجل بالعربيه والجزيره كان غريب يغزو الكويت وأقعد أفتر بمكاني وودي أقول لرفيجيتي مسكيني جان تقرب صوبي أخذي مساحه مادري مادري خام قاعده اقصه أخذ مساحه جان أعطيها وأدوووس وأخذ مساحه أهي خاربه خاربه والله تقولون هالبنيه حاشها صعق كهربائي مو رقص وأنا مومتينه وويهي ظعيف ماعندي خدود شكو خدودي ينطون وانا أرقص طلعتلي خدود الجسم ترهل من العنف أللي كنت أسويه ماسوت علي رقصه جان أتيي أختها الثانيه شكلها قالت خلني أرقع أللي قاعده اتسويه هذي وتقعد ترقص معاي جان أدكرها وأروح لصووب ثاني هم مايظر حلوه الثقه :ggdw: والله أحس أللي بالعرس يقولون لاأحد يرقص معاها لاأدوسه جان أنيشن علي صوووب فاضي قلت خلني أروح أبدع فيها جان أطيييييييييييييييييير وأقعد أفرها الطقاقه أشمئزت من رقصي جان تنهي الأغنيه جان أنا عليميه بهالسوالف وأعلق لازم أحد يقولي الأغنيه وقفت وأنا صوت الطيراان مأثره فيني أحس وأنا أرقص أحس صوت باذوووني طططنططن والله أعلم أذا مايتروالي أخت المعرس العوده جنها قالت وعليه وقفوها شفيها لأن أنا عطيت العالم ظهري وقعدت أرقص صوب الكوشه قبل لاأتيي العروس أشكره أقول للناس خطبوني ترا متشفقه علي الزواج وعيني علي الكوشه :eh_s(9): جان ألتفت ولا الناس عيونهم جذيه :eh_s(2): كسرت خاطرهم أدري والله الأغلبيه كسرت خاطرهم أحس يقولون شلج بالفشيله ماتعرفين كوعج من بوعج بالرقص وترقصين والله من الدوخه ظيعت مكان عمتي قلت لرفيجتي وين عمتي والنفس طاااير وأنا ألهث تقول قاطعه سباق الضاحيه عشرين كيلو جان أقعد عند عمتي قلت شرايج :krkrkr: قالت هو أنتي رقصتي قلت أيه عميمه للأسف ماشفتيني قالت ماشفتج قلت أبركلج صدقيني لو شايفتني بتحوشج جلطه وأنتي بروحج موناقصه وتعالوا سمعوا النغزاات من البنات المراهقات اليهال بالعرس أللي تقول يقولون فيه ثوووووور هايج بالصاله قام يركض فيها شفتيه قلت ميخالف لكم حق أنا مصخرت نفسي وأللي تقول تعالي أذا أنقطعت الكهرباء ترا أكو أهنيه كيبل كهرباء رقص قبل شوي قلت ميخالف أنا مصخرت نفسي :eh_s(2): بس والله تقول الجياتي شيايبها للعرس لأ خلاص أتهزأت مافيه الكفايه قلت عمتي مشينا قلت خلينا نشوف لعبهم قلت شوفي أنا ماخلاني أستهين بالرقص ألا بسالفتج هذي خلينا نشووف لعبهم صدقت أنه لعب وأستنزلت بالصاله وخرعت خلق الله وفشلت نفسي خلينا نمشي أمر أعشيج بمطعم هندي قااااااااااااالت غمييييضه حلو عرسهم مشيت وخليتها كان ودي أمسك المايك مال الطقاقه واقولها أي مره أرتفع عليها السكر والضغط أو ياهل تسببت بخرعته أو حامل حست أنها بتجهض بسبب رقصي أتمني تبايحوني وتسامحوني موقصدي اخرعكم المهم رحت البيت مادريت الا رفيجتي مطرشتلي مسج تقول ترا موقصدي أحطج بموقف محرج تهقون أنه موقف محرج أهي ماجبرتني وأنا عوووبه بعد أشتهيت أرقص ....
موقف كأي موقف بس الحمدلله المزيوون مادرا عني :krkrkr::krkrkr: جان يقول أثاريها خالصه موليه ..
