السلام عليكم ورحمة الله وبركاته
ابيات تعبر عن نفسها اتمنى لها القبول
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ليلي سرى واسهر العين = لا القلب ريحني ولا غمض الموق
اسري مع الهوجاس والناس ممسين=ويطيب الي من عذب الامثال طاروق
روايعٍ تشدي ورود البساتين =ماني بلا فاسق ولاني بمطفوق
شاعر وشعرٍ ما يجي له براهين = حتيش لويكتب ليا فاخت الذوق
لبى بني عمي هل المذهب الزين = لبيه يا برقا ولبيه ياروق
ايوالله انتم ملحقين المخلين =ليا جا نهارٍ فيه سابق ومسبوق
الى اختلط عج الرمك في الميادين =وكلٍ ثنى من دون ماله مع النوق
نمضي قدم ما ننظر يسار ويمين =وافعالنا يشهد بها كل مخلوق
الله خلقنا في زمنا صلاطين = ومن فضل ربي ما نداني هل البوق
حنا خوال اللي رفع راية الدين = علمٍ صحيح ومصدر العلم موثوق
وكل القبايل كفو من دون تخمين = ناخذ حقوق ونعطي اصحابنا حقوق
يابنت حنا للنواميس عجلين =ونظراتنا يابنت يم السما فوق
ناخذ ونعطي وان زعلنا شياطين =كم واحدٍ با سبابنا صابه العوق
الطيب وهبه والمنايا نياشين = والذل ما يغني ولا يرفع السوق
جيتي بقايا احساس وآهات قلبين =وقلبي سليم ولابعد هزه الشوق
انا دخيلك بس لالا تبوحين =الثوب ما يستر ليا صار مشقوق
[/poem]
