شــيـــخ وأمــــيــــر ....
السلام عليكم ورحمة الله وبركاته ,,,
كل عام وأنتم بخير جميعا ,,,
هذا جديدي وأتمنى أن يحوز على رضاكم
لكم مني أجمل تحيه
[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
البارحه قالت ابشرك بالخير = والخير في وجهك ترى ياحبيبي
من يوم شفتك يالغلا حالتي غير= ودعت همي والجروح ونحيبي
ومن قبل أعرفك والليالي معاسير= يازارع ٍ حبك بقلبٍ عطيبي
يحميك ربي من شرور المقادير= ياشيخهم خلك بجنبي قريبي
,,,,
قلت أبشري ياسيد كل الغنادير=اجيك كلي أبشري وأبشريبي
ياشوق عيني لك أزف التباشير =وأنا على هقوتك يوم تهقيبي
نذر ٍ علي لاسطّر القاف تسطير=وأذوقك كأس الغرام العجيبي
وأصف شوقي لك جنود وطوابير = وأنته ((تـنـق)) وناد.. وأنا اجيبي
وأسقيك من فيض السحاب المزابير= ماينتهي فيضه ولاهو شحيبي
بس أصبري مادامنا بأول السير = ودي أوضح لك كلام ٍ مريبي
قبل البدايه...قبل مغط المشاوير = أفهم كلامي زين ثم ارفقيبي
النقطه الأولى أنا ((شيخ وأمير)) = شيخ ٍ على نفسي.. وأمير ٍ لجيبي
مالي دخل في زيد وعبيد ومنير = أمشي على كيفي ..وكيفي صعيبي
والنقطه الأخرى أحذرك ((لا تذير)) = احكي على روحك قبل ماتحكيبي
مزاجي معقد على طول و ((اغير)) = وياويل ويلك لو طرى تلعبيبي
لأني من رجال ٍ نشاما مناعير = لأرضى أغدر الشخص ولا أرتضيبي
جاك الكلام وصور الهرج تصوير = وخله على بالك بالك وأبشر بطيبي
هذي شروطي قبل مغط المشاوير = أسمع كلامي زين ثم ارفقيبي[/poem]
[blink]ماجد ابن حباب[/blink]