[ .. أسباب (قتل) إيمانا .. وبرنامج مايطلبه المشاهدون .. ]
السلام عليكم ورحمة الله ..
- هاردلك التعادل مع الاتحاد.
الكثير كان ينتظر او يتوقع انها بتكون المباراه الأخيره لمدرب الهلال توماس دول.
بغض النظر عن مستوى الفريق ، المدرب يخطيء في تبديل ، في خطه ، لكن يبقى الدور الأكبر على اللاعب نفسه ، وفي الهلال تحديدا ياكثر الاسماء التدريبيه البسيطه اللي صار لها اسم قوي بسبب نجوم الهلال من اللاعبين.
في مباراة الاتحاد كل شي كان حلو حتى لحظة تبديل المحياني!
المحياني والعربي ماكان لهم تأثير قوي أو محاولات (جاده) على مرمى الاتحاد ، حتى فرص العربي اشوف انه تعامل معها بإستهتار.. ماعلينا
وجود مهاجمين 2 في منطقة جزاء الاتحاد او قريب منها هو اللي سبب الضغط على الاتحاد ،،
التغيير اللي صار في اداء الاتحاد ماكان بسبب محاولة التعويض بقدر ماكان ان الدفاع والمحور الدفاعي الاتحادي تحرر من الضغط وبالتالي زادت فرصتهم في التقدم لملعب الهلال.. وهذي غلطه كبيره من المدرب.
[ .. أيمانا .. ]
سواء اتفق معنا جمهور مايطلبه المشاهدون ام لم يتفق .. إيمانا لاعب كبير و جداً ، مهاري وقتالي جداً ، والمطالبه برحيله من وجهة نظري مطالب غير منطقيه ابداً على الأقل بالمقارنه مع حجم المطالب "المليونيه" من جمهور الهلال نفسه اثناء المفاوضات مع إيمانا ،، سبحان الله فجأه صار لاعب فاشل وووو الخ من الكلام غير الفني.
طيب ماسألنا أنفسنا ليش ايمانا ماظهر بشكل مُرضي الى الآن؟؟
من الاتهامات اللي وجهت لـ إيمانا:
ومااعتقد ان لاعب مثل ايمانا يتعمد يتعالى على الكره او يتعمد ينهي عقده بنفسه لأنه بيخسر كثير كثير كثير من ورى هالشي ، ويحلم يحصل عقد بنفس اللي اخذه من الهلال.
(( باختصار ))
مشكلة إيمانا الأولى يتحملها مدرب الفريق..
لو نرجع لأيام مفاوضات ايمانا والمطالبات الجماهيريه العنيفه اللي صارت وقتها من جمهور الهلال ونتذكر بالتحديد لقطات واهداف ايمانا اثناء احترافه في فرنسا واسبانيا.
نرجع لمقاطع ايمانا كلها ، من وين كان يسجل؟ من وين كان ينطلق؟ وقارنوها بمركزه مع الهلال أو مع "دول" تحديداً
ايمانا لاعب وسط مهاجم ، أو راس مثلث مع المهاجمين..
يحتاج وجود مهاجمين 2 امامه لصناعة اللعب لهم.
يحتاج مساحه للإنطلاق بإتجاه مرمى الخصم.. بإختصار يحتاج يشوف الملعب.
(( ماذا يحدث لـ إيمانا مع الهلال و "دول" تحديداً؟ ))
- يلعب في غير مركزه، غالبا يلعب مهاجم ثاني مع العربي.
- اذا لعب في مركزه اصطدم بإزداوجية الادوار مع الفريدي!!
- مباراه وحيده لعب فيها ايمانا خلف العربي وبيو ولكن للأسف كان يشترك مع الفريدي في نفس المهمه ، والمدرب الذكي بدل مايتدارك الخطأ ، اخرج الفريدي وايمانا مع بعض !!!
- إرجعوا لشوط المباراه الأول مع القادسيه .. كيف سجل إيمانا وكيف صنع الأهداف وقارنوا مع بقية المباريات.
- المدرب الألماني مبين عليه من النوع اللي (يحط الواحد في باله) ، أوكي نحب الانضباطيه بس واضح انه "شخصيا" مايبي ايمانا بسبب موقف تمارين "الإسترجاع" العجيبه ولاحظوا بعدها كم مره كان ايمانا احتياط بسبب وبدون سبب.
ع الطاير ..]
- أتفهم وجود عرض قوي ليوسف العربي يتجاوز الـ11 مليون يورو ، ولكن أبداً لا اتفهم فرض وجود العربي كـ أساسي واكماله للمباريات 90 دقيقه حتى وهو لايقدم الكثير.
- (ربما) هي لمحاولة تسويقه أكثر عن طريق مشاهدة السماسره له - وأتمنى ان لايكون هذا السبب.
- تساؤل كبير حول عدم مشاركة الكوري "بيو" في الكثير من المباريات ، هذا لاعب قناص ولاعب 18 حتى لو اضاع فرص لكن ياجماعة الخير بالعاميه الآدمي "كورته نظيفه" في التمرير والتسديد والتهديف.
- أي لاعب محترف يشارك آخر 20 دقيقه اكيد انه بيكون متسرع في الآداء بإختصار لأنه ((يبي يثبت نفسه))
- الكوري بيو من أفضل المحترفين ومعدله التهديفي عالي جداً لكن للأسف المدرب يقتله في الإحتياط ، أيضا لايوجد أي استغلال لمهارته العاليه في تسديد الضربات الحره.
- وهذي ايضا مسؤولية المدرب اللي (يعاند) كثير علشان يثبت وجهة نظره.
- ماراح أركب التيار وأطالب بإقالة المدرب خصوصاً ان النتائج (وهي الأهم) ممتازه بدليل الترتيب وعدد النقاط لكن مايمنع ان يتم ايصال مثل هذي النقاط للمدرب بطريقه فنيه عن طريق مدير الكره أو إدارة النادي.
- المرشدي+ العتيبي ، ثقه عاليه في أنفسهم لكن في كل مره تصل الكره لهم تشعر بإقتراب (النكبه) بسبب سوء التمرير الناتج عن الثقه الكبيره.
- المرشدي لاعب (أشول) يلعب باليسار لكنه احيانا من باب (ثقته في نفسه) يستخدم قدمه اليمنى للتمرير وبالتالي تأتي تمريره إما قويّه أو ضعيفه جدا أو مرتفعه بالرغم من انها تمريره لزميل قريب منه جدا. يعني ياكبتن ماجد وبالعربي (إلعب على المضمون الله يسعدك ، وياليت تقص شعرك لأنه اشغلك طول اللعب:d)
- العتيبي حسن ايضا كثير يصر على التمرير لـ لاعبين الوسط والمحور رغم اقتراب مهاجمين الخصم منهم ، ياكبتن حسن: الغرض ماهو ايصال الكره فقط ، الغرض الأول اذا قررت التمرير إن هالتمريره تكون بدايه لهجمه لنا ، بالعربي (لاتحشر اللي تمرر لهم يااخي:d)
- الهلال وضعه (النقطي) ممتاز ولازلنا في القمه (إلا تكّه) ، بس عاد الله يهدينا تعودنا على دلع الموسمين الماضيين كمستويات ونتائج قويه ..
أصبروا ، لا تتسرعوا في اطلاق الأحكام ، وشجعوا لاعبينكم
موفقين إن شاء الله .. وآسفين ع الاطاله والسويدي :razz:
