موضوع قمة بالتميز والجنون: All about Brushes و أخييييرا كل مايخص فرش المكياج ارحبوووو

كل اللي بتشوفونه هنا هو الأفضل في اللي جربته..
و غالبا الشين ما حاولت أدخله في هالموضوع..

كل الفرش صورتها جنب بالت الكونسيلر حق ميك أب فور إيفر
لأنه غالبا متوفر عند كثير بنات..
و حابة تعرفون حجم الفرش مقارنة فيه ..

ببدأ أول شيء بفرش ماركة e.l.f
و ما تنباع إلا في موقعهم .. و موجودة في أمريكا في تارقت ..



هذي الفرش سعر الوحدة منهم دولار واحد..!!
و جودتها زينة..

1
فرشة للآيلاينر.. و ممكن تستخدم للظل تحت العين..
و ممكن تستحدم لتحديد الحواجب بالظل من جوا.. أو تحديدها بالكونسيلر من برا

2
فرشة نحط فيها الظل للزاوية الخارجية للعين crease و للدمج..
قريبة من نوع pencil brush
تدمج بشكل زين و خصوصا الألوان الغامقة..
ما لها إلا هالإستخدام تقريبا...

3
فرشة نحيفة نوعا ما و مايلة..
تصلح للظل ع العين ككل.. أو ع الزاوية الخارجية crease
و فيه وحدة في اليوتيوب مسوية مكياج عينها كله بهالفرشة فقط!

4
فرشة الظل الجبارة..
صحيح صغيرة بس تمسك الظل مسك..
بس من باب الأمانة هالفرشة شريتها قبل سنتين مرة شعراتها كثار و زينة
شريت منها بعد من شهرين تقريبا.. و لقيتهم مغيرين فيها شوي.. صارت الشعرات أقل..
بس ما تزال فرشة زينة ..

5
فرشة للروج..
ممكن تستخدم حتى لظلال العين..


نجي للجزء الثاني من فرش إيلف..
و هي الفرش من الأسوديو لاين.. و سعر الوحدة 3 دولارات..



هي في الكواليتي و الشكل أفضل من الخط العادي أبو دولار..
و تعييييييييييييييييييييييي ييييييييييييييييييييييييي يش

1
فرشة لكل شيء..! يعني لو ما تبين من إيلف إلا فرش وحدة..
بتكون هذه أفضل اختيار..
عندي منها 3 من قوة الحوووب ..
تصلح للأساس السائل و المينيرال و تصلح للبودرة و للبرونزر و للبلش..
مرة ممتازة و ناااااعمة

2
فرشة زينة جدا تصلح للبلش و البرونزر .. ممكن للبودرة بعد لو تبين طبقة خفيفة..

3
فرشة تصلح للبلش و الهايلايت و الكونتور حجمها صوغنن و جميل..

4
فرشة أساس مايلة.. مب أبطل فرشة في العالم..
بس حلوة يوم تسوين كونتور بالكونسيلر الغامق..

و الحلو في فرش إيلف الكبيرة إنه يجي وياها بلاستيك يحميها في السفر و هيك



نجي لفرش العين من الأستوديو لاين :



1
فرشة صغيرة..
ممكن تستخدم للروج.. ممكن للظل تحت العين أو في الزاوية الداخلية للعين..
ممكن بعد للكحل الكريمي.. أو للحواجب حتى..!
الفرشة رقم 4 نفسها تقريبا بس أصغر شوي..
ممكن تستخدم لرسم التفاصيل الدقيقة في المكياج التنكري و هيك..
إضافة للكحل و الظل زي رقم 1

2
فرشة ظل.. شعراتها شوي قصيرة..
ممكن تستخدم للظل بشكل عام.. بس أفضل استخدام لها هو للهايلايت تحت الحاجب..

3
فرشة صغيرة بزاوية..
تصلح أكثر شيء للحواجب و الكحل الكريمي..

5
فرشة للظل اللي ينحط في الزاوية الخارجية للعين crease


و أخيرا من الأستوديو لاين.. الكبوكيّة حقت الوجه



هالشيء جددددددداااا ناااعيييييييييم..
ما ينفع كثير للأساس المينرال لأن الشعرات مب كثيفة..
بس حلوة مرة إذابين طبقة خفيفة من البودرة فوق الأساس..
للبلش.. للبرونزر.. لدمج البلش و البرونزر برضو..
فيه أكبر منها للجسم.. بس لسا ما جربتها..

كل فرش إيلف تلاقونها على هالرابط :

كود:
http://www.eyeslipsface.com/makeup/t...nd_applicators

طلعوا فرش جديدة من شهر تقريبا اللي لونها بيج و خشب..
لسا ما جربتها حقيقة.. بس يقولون في اليوتيوب إن بعضها حليو..

يتبــــــــــــــــــــــ ــــــــــــــــــــــع

بنااااااااات علموني شلون انسخ الصور من موقع ثاني
كل مانسخت الصوره ماتطلع


يالله بلييييييييز بأسرع وقت عشان اكمل لكم الموضوع الخوققاني