هاي بنات شوونكم؟؟ :eh_s(22):
انا محتاره واايد
هل ايام نفسيتي شوي لكم عليها
انا وريلي مشاكل صارلنا سبوعين ثلاث اسابيع جذي وانا منغثه منه حييل
المهم مشكلتي "بنت خالتي"
اهيا توها متخرجه وكان حلمها تتوظف بالوطني وتوظفت توها
عاد لان حدها مستانسه اعزمتنى انا وخواتي وبنات خالتي الثانين
عاد حددنا الطلعه والوقت وكل شي اوك
فجأه حزت الطلعه ريلي فصل علي
المهم كنسلت الطلعه واهما اطلعو
طبعا دقيت عليها تعذرت لها وليش وماليش وامشي وعفيه ومن هل حجي
قتلها ريلي مو راضييييييييييييي محنج
وليش فهميه عشان توظفت وكلنا بنستانس ومن هل حجي
فهمتها ان مايرضا وخلاص انا نوعي ما احن عليه ما احب اذل نفسي كلمته مره مريت خلاص بطقاق لايرضى
عاد زعلت علي!!!!!!!!!!!!!!!!!!!!!!!!!!
وطلعت شايله علي بقلبها @@
ومن صجها زعلانه ادق عليها ماترد
وتركتها جم يوم وارد ادق بالويك اند قلت يمكن كانت مشغوله بأيام لسبوع هم ماترد
تركتها سبوع ورديت دقيت ماترد
طرشتلها مسج
يافلانه عسى ماشر؟
شفيج ماتردين علي؟
ردت علي بمسج طول ويها مادري شدعوه
انتي ماتستحين
وانا قاعده اترجاج عشان تيين المطعم ومافكرتي تكلمين ريلج
قولي انتي ماتبين ومالج خلق لاتقطينها براس ريلج
وانتي لو تقدرين الصداقه جان تسوين المستحيل عشاني
حتى لو ريلج موراضي ماتكشتين فيني عشانه
واحنا من زمان مع بعض ومن هل حجي
وانتي وانتي
وماخلت شي!
وانا مستغربه من صجها هذي شايله بقلبها عشان طلعه
احنا من زمان كنا مع بعض بس السالفه ماتسوي كل هذا
عاد مارديت عليها بشي وسكت
بعدها بجم ساعه طرشتلي مسج
انتي لوتستحين علي ويهج جان قلتي هذي اكثر من اخت لي بالدنيا
انا وانتي كنا واحد اسرارج كلها عندي والعكس صحيح
مادري استغربت من حجيها
مادري شتقصد!
هل اهوا تهديد وبيني اراضيها لان ماتبي اهيا تبدي
ولا بتخرعني ولا شنو؟
بس انا سويت اللي علي واهيا احقرت الحين ماراح ارد ادق
انا سويت شي غلط؟
