ما يهزم الهلال غير الهلال .. مقولة تثبت صحتها

بسم الله الرحمن الرحيم والصلاة والسلام على افضل المرسلين ..

بكل بساطة الاتحاد اليوم كان حمل وديع .. لعب على انطلاقات ويندل واخطاء دفاع الهلال .. هذي كانت كل حيلته .. كأسماء و امكانيات واضح ان الفرق للهلال بمسافات شاسعة على المستويين الاساسي والاحتياطي .. اسماء كبيرة وحلول كثيرة للهلال عكس الاتحاد اللي ورقته الاهم صالح الصقري !
الهلال تقدم وسيطر وضيع .. واهدى الاتحاد نقطة كانوا يعتبرونها حلمـآ عطفآ على مجريات المباراة .. لكن وش نقول ! الحمدلله على كل حال



* اللي محيرني وش اللي يصير للاعبين الهلال اذا سجلوا هدف .؟ معنوياتهم مرتفعة وماسكين اللعب وكل شي بيدينهم ..بس شفنا العكس .. الاصرار والروح اتحادي والارتباك هلالي !! وش السر .؟



*هزازي كلاكيت ثالث مرة .. نفس صورة الهدف تتكرر في اغلب مبارياتنا مع الاتحاد من نفس اللاعب ..



*العتيبي ابدع وابدع وابدع .. ولما جت الكورة فوق راسه .. خلاها .. كان بكل بساطة يقدر يطلع ويمسك الكورة اللي كانت قريبة جدآ من متناول يده ..



*تخيلوا بس كان الكوري موجود في ظل العرضيات اللي شفناها .. احتجناا هذا الهداف كثير اليوم



*مجرد تخيّل دفاع الهلال بدون هوساوي .. يصدع راسي ..



*لما تكون ماسك اللعب وضاغط خصمك .. وتسجل هدف وتكمّل ضغطك .وخصمك مدافع .. وتجي تغير طريقة اللعب وتعزمهم على ملعبك .. بصراحة قمة الغباء .. لخبطت فريقك .. وعطيت خصمك المهلوك فرصة يهاجمك .. مع اعجابي بتكتيك الهلال اليوم الى ماقبل اخر ربع ساعة ..



* الهلال من ايام جيريتس ومع كالديرون وحتى الآن مع دول .. يفرض سيطرته على الاتحاد في اغلب المباريات لكن بدون اي نتيجة .. شي يحيّر



*دول ماتوفق بالتغييرات .. بس تكتيكه كان حلو وشفنا جمل حلوة .. دول في المباريات الكبيرة يقدم عمل كبير .. ( من رايي ) ..



ايمانا .. تكبّر .؟ عـدم تأقلم .؟ عـدم راحة .؟ وش السالفة بالضبط .؟



الدوري طويل .. مباراة اليوم ثلاث نقاط ما كتبت لنا .. الحمدلله .. ووعدنا منصة الدوري ان شاء الله