بسم الله الرحمن الرحيم
اولا هارد لك لجميــــع الاتحاديين على التعادل
ثانيا بالنسبة للجماهير الي جالسة تنتقد المدرب وتسب و تلعن انتا مثلن تستنى مدرب انو يفوز على فريق زي الهلال في أول مباراة له و هو ماجلس معانا الى اسبوع وعليها !!!!!!!
وحط نفسك مكانو واعتبر نفسك اجنبي وجااي تدرب فريق ما سمعت فيه ويجي رئيس النادي ويقولك المباراة الجاية مع المتصدر ولسه يالله تعرف اسمااء الاعبين ولسه بتشوف الفيديوهات للاعيبة ووراك سفر وضغط ويالله اجانب يمشوا الحال بتقنعني انك بتقدم فريق قوي وخصم عنيد رايج جاي على الكورة وهجمات وكل شي ؟
مستحيــــــل ، لو ايش ماراح يفهموا اللعيبة تكتيك المدرب من تدريبين او ثلاثة ولا هو هيعرف كيف يوظف اللعيبة بشكل صحيح وفي اماكنهم الصحيحة وانتوا شايفين كيف الفريق معدوووم تكتيكيا بس المدرب عرف كيف يوظف الدفاع بالشكل الصحيح وهذا الشي يحسبلوا لأنو اساس المشكلة للأتحاد الدفاع وزبطو مشاء الله عليه في كم يوم بس
قفلة : والله الانتقاد في هذا الوقت خطأ كبيــــر لأنو كل الاعيبة يحتاجوا المساندة وكذلك المدرب وصدقوني هذا المدرب سينقل الأتحاد فووووق بس اعطولوا فرصتوا مو من أول مباراة انتقاد و تعصب
والسلام عليكم ورحمة الله وبركاته
