وهل لهــم غيـــر الدعاء ...؟!!

السلام عليكم ورحمة الله وبركاته



هذي مشكله وانا اعتبرها من مصايب الدنيا اللي يبتلى فيها المسلم ومااقول غير


لاحول ولا قوة الا بالله


يمكن ماكو لها حل .. الحل بيد رب العالمين سبحانه انه يرحمهم برحمته ..

والمشكله اهي :


اهم عايله ماعليهم مستوى مادي جدا حلو وراقي الكل يحسدهم عليه .. واستقرار اسري جدا جميل..

انقلبت حياتهم من يوم دشت عليهم مرت ابو .. اهي في البدايه اختها الكبيره رفيجت امهم ..

تطلقت وحطت عينها على زوج رفيجت اختها .. وعلى مستواهم المادي .. تقول البنت تجي لنا

دايما ام هلمره اهي كبيره حيل بلعمر .. وتطلب ابوي .. تقول لامي ابي منه شغله ماادري وين

ومايقدر عليها الا ابو فلان وانا مره كبيره وابي مساعدته .. يعني داشه عليها من باب ام رفيجتها ..

تقول الشي العجيب .. انها تقول له ابي منك تخلص لي هلمعامله وجذي وتعال للبيت اعطيك الاوراق

ماتجييب الاوراق معاها ... المهم اذا جاء تقول اشرب جاي وجذي تدخله ..

والا تشرب وتجلس بنتها

المطلقه عندها .. المهم ابونا تغير .. الا اتزوج هلمره .. سارت مشاكل .. اغلبها اهي


انه الا هلمره تزوج بس الا هذي .. معروف عنها الشر .. ومعروف عنها انه ماتستحي من الناس

ولاتخاف من الله .. المهم لزم وتزوج .. انقلب فوق حدر ..صار مايجي اهله .. اللي تقوله صح

والغير غلط .. وسوت مشاكل وقالت ان هلمشاكل عدم اخترام اعيالك لك وكرهم وهجرهم ..

اوكي صبروا وكونوا نفسهم واعتمدوا على روحهم ..للعلم ابوهم مايصرف عليهم قطع كل شي عننهم ..

الحين تقول كبرت البنات والعيال وتزوجوا .. اهني بانت عليهم شغلات غريبه .. كل مره ياخذونها

تتضايق منهم وتروح لهلها اذا سالوها شفيج مضايقج فلان تقول لا مافي منه ولا حمولتي مافي منها بس انا


عنده اختنق ...!!! العيال واحد منهم تعب مايدرون شعلته .. ودوه لشيخ قراه وطلعت عليه

امور من السحر .. وبعدها بفتره تعبت وحده من البنات وقروا عليها وكذالك مواري سحر

احلام مزعجه لكل العايله ..البنات مااحد يطق الباب عليهم لخطبه ابــد .. العيال الحريم ماتقعد ابد

العجيب .. الغريب .. ان زوجه هلاب تمشي بين الناس وتقول مادمت حيه مايرتاحون ..!!


ولا يتزوجون .. والله ماتفرح فيهم فلانه وراسي يشم الهوااااا !!!


ياناس ياعالم وين الخوف من الله ..؟؟!!

شنو نقول لوحده جذي .. دمرت عايله بسحوره

وتتفاخر ..؟!! تتفاخر بلمعصيه ..؟؟؟!!


الابو لاارى لا اتكلم لا اسمع ..؟؟!!!

البنت مصروعه وعنسوا وزد تمشي مع العالم وتطعن في اعراضهم !!


الولد حاله مسكر على روحه حريمهم ببيوت اهاليهم

اخذتي الابو شتبين بلعالم خلاص .. لاحول ولا قوه الا بالله ...


قلت لهم يداومون على سورة البقره .. والشيخ قال لازم تغسلون البيت بماي وملح ..

بس ايام بسيطه


يحسون بتحسن وبعدها ينقلبون العن من الاول ...!!!

تعبووا راحت اعمارهم واهم على هلحال

البنات والعيال وصلو للثلاثينات حياتهم دمار ..

امهم من مرض لمرض الكاتره مافيج شي

بس تقرا تزود .. يوم زينه ويومين تتعب ..


وين الخوف من الله ...؟!

شنوو نقول لهلفئه حسبي الله عليها ونعم الوكيل

مالنا غير الدعاء لهم ياجماعه

الله يعجل لهم بلفرج الله ينصرهم ..

وحسبي الله عليها اللي ماتخاف من الله حسبي الله ونعم الوكيـــل







.........