-
][§][جيت ابسألك][§][
ياخــســـارة الحــب ياللي نسيته
ياخــســارة ياللي ماعرفت تصونه
جرحتني بجفاك ... ماعرفت شاقول لك
غير روح ... بكره ابذكرك
ولحين
ليمن برى جرحي
من آخر الجــرح جيتك ..
ارد لك تذكـــارك
آخــــرقصـيـدة..
كتـبتـها بدمي لـعـيـونك
*****
غــرورك اللي رقى بك .. فـــوق مـقـدارك
انـــا اطـلـب الله يجي لــه يـوم ...
ويخـونك
أنــا أول من حبك..
وهــــام بأشـــعارك
وأنا آخـــر اللي يـمـــــوت
لاجل يــحــيّونك
مــليت ارضى بجفاك
وبـــارد أعــذارك
مــــليت أمـــــد النـظـر ..
وتهينه عيــــونك
مصير وقتك يــبـــور ..
وتذبل أزهــــــارك
ومصير كــل الجـــروح الحمــر ينســـــونك
*****
واليوم يا الجـــــرح .. والله لآخــذ بـثـــارك
وأســــقـيك مــن دم قــلبٍ خــيـّب ظـنـــونك
واعلم ترى اللي حصــــل لك
من لـعنة أقـــدارك
وإرحــل مع اللي يـحــبك وصل
ترى ذا مقدارك
مــا جيت أبـنـشـدك عن الهجران وأخبـــارك
جـيـتـك أبســألك بعــد الجرح .. وشــلونك؟!!!
-
[ALIGN=C]
أخي / عبادي
حقاً لاأجد عبارةً تصف روعة ماتطرحه هنا
لك اسلوبٌ بالفعل يستحق المتابعه
وقريب جداً للنفس
يكاد سمه تتميز بها بالفعل
كلماتٌ قليلٌ ان قلت عنها جميله
واسلوبٌ قليل ان قلت عنه رائع
سلم لك ذلك الاحساس
وذلك الفكر الراقي
تقبل تحياتي [/ALIGN]
-
كلماتكم الرقيقه و احساسكم المرهف اخواتي عبير و دموع الورد هي اصدق تعبير عن روحكم الشفافه و طيبة قلوبكم
دمتم لي اعزاء
الحقيقه ( بيني و بينكم) احس ان كتاباتي ماعادت بالمستوى اللي اكون راضي عنه ... فرجائي منكم ان تلفتوا انتباهي لو لاحظتم ذلك ... و سأعتبر ذلك دفعه منكم لي للامام.
و انا بصراحه زاد فيني الشك لانه غابت تعليقات اخواني سهم المنايا و عشق ليل و الرهيبه والحساسه و دموع الحنان و غيرهم عن هذه المشاركه ... فعسى المانع خير ... لاني بصراحه اعتز بمتابعتهم و اغليهم كلهم
بوحمــــــــد
