زاجل كريمي .. حوالي .. 200 جوز .. جرم فاخر .. وانتاج زي العسل

اغنام - ابل - دواجن - طيور

بسم الله الرحمن الرحيم ..
والصلاة والسلام على سيد المرسلين ..
نبينا محمد .. وعلى آله وصحبه اجمعين ..

تذكرون الاخ سالم ..


كما يعلم البعض ..
ان الاخ سالم تعرض لأزمه قلبيه قبل عيد الاضحى بيوم او يومين
اجريت له على اثرها عمليه بالقلب ..
وهو حاليا طيب وبخير
لكنه غير قادر على متابعة حلاله والاشراف عليه
لذلك قرر البيع .. وكلفني ان اقوم بعرض الزاجل الكريمي ..

الاخ يملك حوالي 200 جوز زاجل كريمي ..
الوانهم صافيه .. وجرومهم ناهيه ..
من الجروم اللي تسر عيون صاحب الصنف بمشاهدتها ..
مو الكريمي اللي نفس حجم الحمام العادي ..
إلا كريمي جرومه طيبه حيل ومتوالف ومنتج حاليا .. تحته فراخه وبيض ..
والبيع على الاجواز الكبار .. وما كان تحتها من بيض وفراخ يعتبر معها من ضمن البيعه

امدح لكم سلعة الاجودي وعلى مسئوليتي
لان 149 جوز منها ..
اشتراهم الاخ سالم من عندي ..
ويشهد الله .. ان تلك المجموعه من افضل المجموعات اللي بعتها ( 106 ) منهم جروم طيبه حيل حيل حيل
و 43 جوز .. اشتراهم مني دفعة ثانيه .. كانت اقل مستوى .. لكنها كمان من ذات الجرم الطيب
وفيه مجموعه حوالي الـ 50 جوز اشتراهم من الاخ نقشبندي ..


الحين الاخ عارض سلعته لأصحاب الصنف
ويشرط الانتاج والصحه .. والجروم وصفاوة اللون ..

200 جوز / تنقص شوي او تزيد شوي ..


وضعت الموضوع بين ايديكم ..
لأني واثق ان فيه ناس تبحث عن عشه كامله ( نوعيه جيده ) متوالفه ومنتجه ..

ساقوم كل فتره برفع الموضوع للتذكير إلى ان يتم البيع
والتواصل معي على الخاص ..
للصامل اللي اشوف سومته مناسبه
عشان اعطيه رقم الاخ سالم ..
ما نبغى نشغله بالاتصالات إلا اذا اتفقنا على البيع
موقع الطيور قريب من مدينة حرض ..
في منطقه بريه وقد تم توفير البيئه المناسبه للطيور بعيد عن زحمات المدن السكنيه والاحواش وامراضها وبلاويها ..

صراحه ما بغيت انشب للأخ سالم انه يرسل الصور عشان انزلها بالموضوع
بحاول معه يخلي احد يروح للطيور ويصورها .. ويرسلها على جوالي
وانزلها بإذن الله ..

لاحد يزعل من كثره هذرتي ..
لكني موصى ..
والمثل يقول ( الموصى .. يتقصى )