الأشياء المتفق عليها وراح نسويها مع بعض وبصوت واحد في مدرجات الملز .. تعالوا ياجن الملاعب

بسم الله الرحمن الرحيم

صبحكم / مساكم الله بالخير جميعاً

موضوعي هذا بإختصار هو ملخص أو زبده الأشياء المتفق عليها من قبل يوزر مجلس الجمهور الهلالي وقروبات الهلال في البلاك بيري ..

بأكتبها بشكل نقاط مختصرهـ وياليت نطبقها بالحرف الواحد زي العادهـ .. وهي كالتالي:

1/ أول شيء وأنت طالع من البيت حاول قد ماتقدر تلبس تيشريت الهلال وأكيد الكل منا عنده أكثر من تيشيرت ..
وبالنسبه للناس اللي وراهم أشغال ومشاوير قبل المباراه أقوله خذ التيشيرت معاك بالسياره وإذا وقفت عند الملعب ألبسه لو فوق الثوب ,, يعني يعطي شكل حلو ويدفي بعد :s2:

2 / بعد ماتدخل وتجلس راح يوصلك وأنت جالس في مكانك عدد 2 من البالونات الصوتيه اللي راح تهزهم هز :s5s: وراح يوصلك شال هلالي .. وهذي كلها مقدمه من موبايلي حسب أخبار اليوم من جريده الرياض.

ألحين بس أبيكم تتخيلون الشكل شلون راح يكون ..؟ ,,, بالمختصر المفيد " لوحه زرقاء تُحفه بالجمال :wub: "

3 / الآن يجي دورك عزيزي المُشجع بالتعاون مع أعضاء مجلس الجمهور بالبروفاه قبل المباراه كلها 5 - 10 دقايق عشان نطبقها في المباراهـ بالشكل المطلوب.

4/ النقطه هذي هي أهم نقطه بوجهه نظري وهي صافرات الإستهجان مع دخول فريق الإتحاد ومع أمتلاك لاعبينه للكرهـ ,, طيب ليش أهم نقطه ..؟
أنا أقولكم ,, أرجعوا لمباراه الخمسه وتعرفون وش اللي سبب الهزهـ الكبيره للفريق الأتحادي ..
وأكيد سعيد الحظ مثلي اللي حضر هذيك المباراه يتذكر شلون كان تفاعل الجمهور وصافرات الأستهجان لها دور كبير بزعزه الثقه عند الفريق الإتحادي.

5 / أتمنى من الجمهور من أكبر شخص إلى أصغر شخص كما عودتمونا دائماً بعدم الإنسياق وراء شخص أو شخصين يرمون أحذيه أو غيرها - أكرمكم الله -.

هالنقاط كتبتها بعد متابعه دقيقه لتجهيزات مجلس الجمهور الهلالي ومانُشر بهالخصوص من القروبات الهلاليه في الـ BB ..

بالأخير كل اللي أتمناه هو أن نكون جميعاً أعضاء في الألتراس بتفاعلنا وأهازيجنا

وأكيد لا تنسون هلالكم من دعواتكم الصادقهـ ..

اللهم صلِ وسلم على الحبيب المصطفى :smilie47:

سبحان الله وبحمده سبحان الله العظيم