قـــــوه بنات
ترددت كـــــــثير على طرح مشكلتي لانـــي ماحب اعرض مشاكلي للناس ولانــي دائما الاحظ هجوم وردود من بعض العضوات ماتشجع لدرجة ان الوحده تتحسف تنزل مواضيع ..
عموما انا كلي امل باني راح الاقي الحل المناسب عندكم
المشكله مادري فيني انا او بزوجي ؟؟
انا راح اقولكم شنو كانت شخصيتي قبل الزواج وبعد الزواج مع العلم اني سعوديه فانتقلت من بلد الى بلد وطبعا تركت وظيفتي بعد الزواج
قبل زواجي كنت معتمده على نفسي اعتماد كلي كنت متوظفه واصرف على نفسي وعلى ولدي ( عندي ولد من طليقي ) وكنت اخذه للمستشفى لما يمرض بروحي مع اخوي ( عمره 14) يعني كنت انا اللي اكلم الدكاتره واشرح لهم مرضه ومن شنو يعاني وكنت اصف الحجي صف :D وحتى بالمدرسه اتابعه وحتى اغراض الجمعيه كنت انا اللي اجيبها .. والاسواق كنت اروح بروحي او مع اختي ولما احتاج شغله لو حمره بس اطلع السوق واجيبها وانا بطبعي ويمكن اغلب البنات جذي اذا نزلت السوق احس بنشاااااط مو طبيعي يعني يمكن اروح اربع او خمس مجمعات باليوم وماحس بتعب من محل لمحل يعني اشوف شغله بالمحل الفلاني واطلع وبعد ساعه ارد اخذها بعد ماكون فكرت فيها وانا افترر بين المحلات :p
واذا كنا بنطلع عمره مع الوالد كنت اتصل بفنادق مكه وننسق معاهم عشان الحجز لان ابوي كبير ولا عندي اخوان اكبر مني فكنت انا واختي اللي يعتمد علينا الوالد بكل شي وكان دائما يشاورنا بالسيارات اللي ناوي يشتريها وحتى بالبيوت والعماير .. وابوي عنده بيتين ملك ويم بعض واحد احنا ساكنين فيه وواحد يأجره وطبعا كان يشاورنا بالمؤجر بحكم اخلاقه وسمعته يأجر له او لا ؟؟
وبعد زواجي تغيررر كل شي
اصبحت معتمده على زووجي بشكل ماتتخيلونه بالبدايه كنت استحي منه وكان هو اللي يجيب لي شغلات ولما نطلع مطاعم هو اللي يطلبلي حتى الاكل هو اللي يختاره لي ولما اروح معاه للمستشفى يسألني الدكتور شفيج ؟ مايمديني ابطل حلجي الا زوجي يقول فيها كذا وكذا :eh_s(2): ومايعطيني فرصه اجاوب ..
ومرات لما ابي اطلب دليفري واهو يكون بالمخيم تخيلوا بنات اهو اللي يتصل بالمطعم ويعطيهم العنوان والطلب وكل شي مادري الا متصل علي يقول شوفي الطلب عند الباب !! انزين شلون حاسبتهم وشدراك عن الوجبه اللي ابيها !!
وقبل يومين كنت ابي (اخرم ) اذون بنتي والبسها تراجي اتصلت عليه وقلتله بروح الصيدليه قال طيب .. بعد خمس دقايق اتصل علي وقال روحي الصيدليه الفلانيه انا كلمت الدكتوره وفهمته كل شي والله يابنات دشيت الصيدليه ابي اتكلم قالي الصيدلاني انتي من طرف فلان اتفضلي هنيه واخذوني باللويه وخرموا اذونها وطلعت بدون ماافج حلجي بكلمه :eh_s(2):
ولما اروح للسوق مايرررررضى لازم يكون معااااي وهذا شي حلو لكن مررات زوجي يخررربها خل اقولكم ..
اقوله حبيبي باجر بروح السوق ابي جم شغله يقول هااا:eh_s(10): ليش ماقلتيلي امس عشان نرتبها !! لازم تقوليلي قبلها اقل شي بيومين !:eh_s(1): امبببببي هذا من صجه وين بنروح يعني !! بنسافر السوق كااااهو عند اذني انرتب شنو بالضبط ؟؟؟؟
وبعد يومين طلعنا للسوق وندش داخل يقولي شوفي اي محل وين لستة المحلات !!انتي اي محل تبين ؟ شنو الاغراض اللي ناقصتج ؟؟يارررررربيه:eh_s(16)::eh_s(16):
ادش المحل اخذ شغلات واطلع وهو يدش يحاسب !!:eh_s(2):
اقوله عطني فلوس عشان انا اللي احاسب لنفسي يقول لا انا ادفع بالفيزا مايحتاج تاخذين كاش ( وعلى فكره اهو مو بخيل والله لو اخذ المحل كله يقول فدوه بس مايحب زوجته تحاسب ) ولما اخلص اغراضي بتمشى بين المحلات اشوف البضايع والمكياج اخذ فكره يعني يقول شحقه !:eh_s(2):
والمشكله انه داااااائما مشغووول حتى وهو معاي بالسوق الفووون معاه ماينزله عن اذنه وانا ماخذ راحتي جذي على طوووول اخلص شغلي بسررعه :eh_s(16):
وحتى لما نفكر نطلع تمشيه او شاليه او سفره اهو اللي يحط الجدووول بروووحه ولما نتهاوش على هالسالفه يقول مابي ادوخ راسج ابيج ترووحين مرتااااحه هذا جزاتي الحين ؟؟؟ بناااااااااات والله تعبت صار لي سنتين من تزوجت ولو اقولكم شغله ماراح تصدقونها انا للحين مادري ال 40 او ال70 دينار تساوي جم بالسعودي :eh_s(16):مو معطيني فرررصه اعتمد على نفسي حتى باب السياره هو اللي يبطله لي :eh_s(2): واذا مرضت هو اللي يعطيني الدواء :eh_s(11):
وكل مره نتناقش بالموضوع هذا يزعل ويعصب اقوله مايصير جذي انت الغيت شخصيتي افرض سافرت انا شلون بتصرف باجر ؟؟ يقولي السايق موجود يلبي كل طلباتج وحتى اذا سافرت بوديج عند اهلج ماخليج بروحج !
يابنات والله مو عارفه شسوي المستوصف الحين مو عارفه اروحله بروحي :eh_s(2): مع ان زوجي طيب وحبووب ومو منتبه انه قاعد يهمشني ويلغي وجودي بالمررررره :bbbiu: وانا مابي اجرح شعووره او اطلع عن شوره
شورو علي شسوي معاااااه ؟؟
