تكفون ساعدوني قلبي متقطع بنتي حبيسه ماضيها

بنات تكفوووون ساعدوهااا نخيتكم :eh_s(2):
هي معنا وراح تشوف ردودكم بالله لاتتركونها


السلام عليكم ورحمه الله وبركاته
مادري شنو اقول وشنو اخلي هي مشكلة بنتي عمرها 18 وصار لها 7شهور على
هالحال
يوم عن يوم تزيد حالتها سوء وكله قاعدة بغرفتها لا تاكل عدل ولا تنام
عدل ومرتين سوولها غسيل معدة والسبب انها تاكل حبوب بكثرة وانواع واشكال فكرت
ان حالتها واللي تسويه بعمرها سبب طلاقي من ابوها ومشاكلي معاه بنتي من صغرها عاشت
انواع العذاب من ابوها واحيانا مني انا ومن اهلها
هملتها بشكل كبير وكانت
متعرضة للاغتصاب من ولد عمتها واهلها قاطعوو عمتها وولدها والسبب بنتي اهلها خافو
على بناتهم من ولدها وماصارو يروحون لعمتهم وعمتها احقدت عليها وبدت تطلع عليها
كلام وتقول ان بنتي كذابة مااغتصبها مع ان الولد كبير ومعترف
عدت هالسالفة على
خير ولا كنه شي صار طبعا ابوها بوادي ثاني راعي حشيش وكبتي الله يهديه ويسخره
لعيالي
ومرت الايام وبنتي وبنتي كبرت وتقريبا نست سالفة الاغتصاب وعاشت حياتها
كأي بنت
لكن قلت شنو اللي غلب حالها بهالـ7 شهور وشلي صاير
كل مادخلت عليها
بغرفتها لقيتها تصيح ياتصيح يانايمة عايشة حالة اكتئاب مو طبيعيه
قلت لازم
اسايسها واتكلم معاها من غير عصبية وافهم وشفيها
قعدت معاها وقلت لها انا امج
وحبيبتج مافي احد احن من قلبي عليج بهالدنيا من بعد الله وقعدت تصيح
وتقول انا
كانت لي علاقة مع واحد وحبيته صار لنا سنه وكم شهر مع بعض انا انصدمت انشليت قلت
اكيد مسوية معاه شي قالت لا بس بيننا مكالمات تقول تعلقت فيه حيل ولكن تركني

وخلاني بهذي الحالة وماقدرت تنساه قلت لها كل الشباب كذابين لو هو يحبج كان دق
بابنا واخطبج لاتفكرين بواحد كذاب ولايخاف ربه وقلت لها اني مسامحتج وابيج تصلين
وتتوبين لله وباذن الله بتنسينه
خذيتها بحنية ماكان بيدي شي اسويه قالت الحين
بصلي وببدي حياة ثانيه بعيد عن هالنصاب انا ارتحت لمن قالت هالكلام صلت وخلصت ورحت
تصيح مرة ثانيه تقول تعبت حتى بصلاتي افكر فيه قلت اها شوي شوي وبتنسينه خذينا عمرة
وسفرتها ولكن حالها ماتغير كله تصيييح ولا تتكلم
معقولة اغلبية البنات حبو بسن
المراهقة ولكن ماسوو مثلها
حالتها سيئة كل يوم اقعد معاها وبنفس السالفه
تقول مو قادرة انساه ودي اشوفه ومن هالكلام
ودي لو مرة اكلمه احس اني بموت قلبي
يتقطع عليها وبنفس الوقت اقول مراهقة مع الايام تنسى لكن مااشوف فيه فايدة كله
مشغلة عندها القرآن واطلعها من البيت وفوق هذا سفرات وماتغير شي هي هي
صارت
انسانة ثانيه كل من شافها يقول وشفيها وشفيها وكله اقول مريضة وكل مرة يشوفنها
يقولون شنو المرض اللي صار له شهور احترت مادري شقول لهم
كل مرة اكلمها مافي
فايدة قلت لها مردى بيتزوج ولاهو داري عنج تقول راح اذبح زوجته وتقول يمه لاتقهرني
بهالسيرة تراج تذبحيني كافي القهر والم اللي عايشته
مادري اول مرة تمر
علي حاله مثل حالتي بنتي مع انها مراهقة
حتى المدرسة ماصارت تروح
والله لو
بشرح لكم حالتها مااراح اوصف معنى الالم والقهر اللي تعيشه حياتها صياح بصياح ونوم

وماغير تجيب بسيرته وتقول ودي اشوفه ودي انسى ودي افقد الذاكرة ابيه يروح مني

كل شي سويته ياجماعه لكن مافي فايدة تعبت اشوف بنتي بهالحال
خوانها الصغار
يقولون اختي كنها مجنونة
ودوها طب النفسي مكانها اهناك تعبنا من صياحها كل
يوم
اليوم جاتني تصيح تقول مخنووقة مو قادرة انام احس جبل على صدري وترجع تفتح سيرة اللي كانت له علاقه معه وتقول ابي اشوفه ابيه محتاجتله اكثر منج
كل يوم ادعي بصلاتي ان الله ينسيها هذاك
ابي بنتي ترد مثل اول وتعيش حياتها من جديد