تبون الواجهة ؟

<div>أولا السلام عليكم و رحمة الله و بركاته

اطلعت على موضوع أبو روان الأخ ناصر الجهني و اللي كان يتكلم عن حصول الهلال على كامل مدرجات الملز ما عدا المدرج يسار المنصة سيكون للإتحاد.

أنا أعتقد أنه لا يوجد تقسيم يعني نظام من سبق لبق لكن السؤاااال المهم لجمهور الإتي بالرياض اللي بيجي بدري هو


يعني بصراحة :


تبون الواجهة ؟

و لا زي العادة توجهون على الرابطة و تتركون الواجهة لجماهير الهلال القليلة وقت فتح البوابات؟

لا و المصيبة أنهم في البداية يتكون في الواجهة شوي و يحرقون دم الهلاليين بحضورهم بس خل طقطقة الرابطة تشتقل ما تشوف إلا غبرتهم عاد ذيك الساعة ينبسطون الهلاليين و يبدون بالهياط و خذ عاد ( جمهور الإتحاد بجدة بس ، الإتحاد ماله جمهور بالرياض) و غيرها من عبارات إستصغار جماهيرية الإتحاد بالرياض طيب ليه نعطيهم الفرصة ياخذون الواجهة كاملة و هي صعبة عليهم لو حضرنا و حجزنا من بدري أنا كتبت الموضوع ابي أسمع آرائكم و بصراحة يا جمهور الرياض لإنكم دايما تطالبون بالواجهة و بعدين تسحبون عليها حتى يوم دعمكم مجلس الجمهور الله يجزاهم خير في الواجهة و عزز حضوركم سحبتوا عليه لا و المصيبة أن البعض يتكلم على المجلس لييييش " عشان ما علمهم مكان الرابطة الصحيح " يعني بالله وش تبون بالرابطة ما دام مافيه مكبرات صوت اجلس في الواجهة و اكتم الزعيقيين على ارضهم و اقهر القناة الرياضية لإنك بتطلع غصب عنهم بالشاشة عشان لا يهايطون مذيعين الخشبية بجماهيرية الهلال ..


في النهاية هذا رأيي لكن أكرر سؤالي للي بيحضر بدري وين بتروح يا بو الشباب الواجهة و لااااااا الرابطة ؟

أنا عن نفسي بأجلس بالواجهة لو لحالي بين الهلاليين و رافع علم الإتي .