فرصتك ياقلبي تعيش وتعلم
أن الهوى والعشق نزوة وبتموت
أجمع سنينك للفراق وتولم
وأضحك عليها كل مافاتك الفوت
ياسيدي والليل غطا وظلم
وأنا صحيت وفي يدي سبعة كروت
كتبتها لك يوم كنت أتحلم
في شوفتك والشوق مرمر وياقوت
عليك صبري بين الأضلاع علم
وعليك شوقي داخل القلب مكبوت
وأنا الوحيد اللي بقربك تألم
تعطيني السكين وأعطيك أنا التوت
أكلمك والعذر (غالي وأسلم)
وإلا الصراحه جد (مشتاق لك موت)
أمانتك لاضقت مني تكلم
وأنا أوعدك ماعاد أسمعك هالصوت
