اول رواية لي (اللي نــســااك انــســااه)بقلمي

قوة بنات شلونكم شخباركم ؟؟
انا ابي اكتب اول رواية لي و عفيه ابي تشجييع اذا ماكو تشجيع او تفاعل وياي ماراح اكملها :bbbiu:



نبدي بأسم الله
البارت الاول


.....: ابله الله يخلييج بروح اغسل ايدي
الابله: لأ انا ألت لأ يعني لأ
.....: ابله امانه توني ماسحتلج اللوح ايدي تولع الجبد
الابله: خلاص روحي بس متتأخريش
و رحت و انا ماشيه بالمرر ولا صوت يناديني
فـــــــــجــــــــــــــ ـــر فــــــــــــــجـــــــــ ـــــــــــر
ايي صح نسيت اعرفكم على نفسي
انا فـجـر عمري 17 اخر سنه دراسه ادبي سمره قصيره مو متحجبه شعري طويل لي اخر ظهري تقريبا و ضعيفه امووت على شي اسمه عبدالله الرويشد و راشد الماجد رفيحاتي ينادوني عيوزة

عندي 4 اخوان 3 صبيان و بنيه
ابوي 42 سنه عبدالرزاق
امي كبر ابوي بس بينهم اشهر طيبه
اكبر واحد محمود 20 سنه
بعدين انا
بعدين اختي ديانا وياي بنفس المدرسه 15سنه
بعدين علي 10 سنيين
بعدين جراح 4 سنيين
نرجع
فجر: اووو هذي انتي ايا بنت الشقوول شعندج تحوسين هذا و انتي علمي
شمايل: اقوول سكتي احسن لج شعندج طالعه من الصف

شمايل اعز رفيجات فجر و اهي كبرها بس علمي بيضه شعرها طوييل اشقر و ضعيفه قصيره نفس فجر بس شوي غيير

فجر: افففففف سكتي علي عربي وييع مالي خلق حنه ام خماس
(ام خماس ابله العربي اهي بطه واااايد و صووتها مزززززعج بالنسبه للبنات و قصيره فسموها ام خماس)
شمايل: ههههههه مو من صجج
فجر:المهم سكتي عني و عن الهذره الزايده بغسل ايدي و ارد الصف يلا قلبي ويهج
شمايل:يلا ذللفي
فجر غسلت و خلصت طبعا لازم تمر على البنات و تحرهم ليش اهي بره و اهم بالصف
وصلت الصف
الابله: تأخرتي لييييه ؟؟
فجر:ابله الحمام كان زحمه و في بنيه طايحه امبيييه ابله طااافج البنات شلوون متيمعيين عليها حدها حراام
قعدت مكانها
فجر بصووت واطي: افففف فطمووه و يهد متى يطق الجرس ؟؟
فاطمه:وييييييه فجوور باقي باقي
فجر:وليييييه والله مالي خلق
الابله:خلاص يا بنات مشش عاووزه ولا صووووت
طبعا محد كان بالع الحصه و بالغصب خلصصت الابله ترشح و تكتب و محد راد عليها اول ماطق الجرس
البنات اففففففففففف اخيييراااااااااا
فجر:اوووفف ايبب ولا ايبب
فاطمه:امبيه فجوور شبتسوين اليوم وين بتروحين ؟
فجر:ويييييع عندي استقبال احنا ننطر الويك اند و اهما يحكرونا :@
فاطمه:ههههه عادي مسحيها بويهي
حنان: ايبااااااااااااا اليووم بشووف عزووزي
فجر: كفو كفو و انا باد بختي بجابل ام فلان وام علان
فاطمه: انا بقززز بحلل الافنيوز
دلال: اففففف انتي وياها ما مليتوو من الهذره خلااص سكتوو
فجر: انتي هي عيووز خييبر ماعرفتج شفييج تسكتينا بالله ؟
دلال: امبيه فجوور مالي خلق ابي انام مو نايمه الا الساعه 4 الفيير
حنان:احححسسسسسن محد قالج تسوين نفسج جونقر و ما تنامين
فجر:ايي والله قلعتج
ييت ابلتهم و كل وحده قعدت مكانها

هذا اوول باارت و خلص و راح احاول كل يووم او يومين انزل لكم بارت :eh_s(22):