الخبل الي يستفزني!

أخوي أبوي وأستفزازهم لي بتزويجي من شخص أكبر من بثلاث وثلاثين سنه ومحاولتهم البغيضه بغصبي على شخص بهالعمر , وقبل هذا ردوا عني شباب واجد وقبلو بالشخص هذا لأنها مسألة طمع بفلوسه وتهمييييش لحاجتي الي ماراح ومستحيل القاها مع

تجددت المشكله بعد ماكنت متوقعه أن رفضي يعني أغلاق الموضوع! لكن كان العكس صحيح تجهمت الوجيه وبدينا بمحاولات الغصب والأرغام!

هالدنيا..

فيها كذبه أسمها عطف أب

وفيها كذبه أسمها حنان أخ

مو أنا ألي أنذل لفلان وعلان
ومو أنا الي يحاول شخص يهيني وماياخذ مني كف معنوي ماينساه طول عمره!
أخوي متهني بحياته ووصل لحد تقديس زوجته وأهلها وخوالها وعيال خوالها يصرف عليهم ويذبح لهم الذبايح رايحه جايه ويطلعهم لمخيمات ووناسه بس أنا ضاغط علي برجله يحاول يغصبني ويكرهني على شخص ماأبيه!

وأبوي شايب يخطب من فلان وعلان يبي يتزوج فقط نزووووه ويطلق بكيفه وهكذا وعشان جذي مادام جاه شايب ليش يرده لأن النزوات تشابهت!

والضحيه بنت ماتعدت العشرينات !

أنا شئ واحد عندي وبقوله :

وأعتبروها وصيه قبل موتي لأن ماعندي علم بالموت ولعله قريب

أن كان هني احد بيني وبينه ظليمه يحللني ويسامحني..

وأبي أبوي وأخوي يدرون ويعرفون أنهم مو بحل ولا مسامحين مني والوعد على كل ظلم شفته منهم وكل طق وكل أهانه وكل عضل وكل حرمان وكل قذف باخذ حقي منهم يوم تشيب فيه الولدان ..

لأني عشت حياة محطمه متعبه ممزقه
ببقول شئ واحد لولا إيماني بربي مازال قائم بقلبي جان من زمان أنتحرت وأنتهيت..




ربي أغفر لي ذنوبي جميعا وأغسلني منها كما تغسل الثوب الأبيض من الدنس.


أرجوا رجاء خاص:
مابي أحد يرسل لي ع الخاص بخصوص مشكلتي لأني مابرد عليه الي بيرد يرد هني.