أنقضي موسم الاعلاف و انتاج الاعلاف وبدأ ضخ المخزون باسعار خياليه...وكلها اسابيع ويبين الوقت اما ربيع او نرجع كما كنا مع دائرة الاعلاف وسوالفها.
اخواني الكرام.
موضوعي هذا قراءه مني شخصيا وتحليل واستنتاج لقراءة السوق ولتعم الفائده ونبعد قليلا عن المهاترات والخروج من صلب الموضوع.
بالبدايه...انا تاجر اعلاف......ولا املك ولا قطعة رشاش ولا انا مستاجر من اي شخص....للمعلوميه حتي اكتب ما اعرفه فقط.
بصراحه...انا لا اعرف بكم المواد الكيماويه والاسمده والبذور والصيانه والديزل وغيره...لانه مو من عملي ولا عمري اشتغلت فيه.
انا اسوم الرشاش....مثلا اسوم ب 50 الف...وثاني يوم يكلمني راعيه ويقول السوم وصل 55 الف...وانا اقوله على ب 57 الف وهكذا...؟؟؟؟؟؟ الي ان الله يكتب نصيب واشتري او اشوف غيره.
المقصد من موضوعي هو الدردشه ولتوضيح ما اعلمه ولتعم الفائده...وكل انسان ودابه رزقه على الواحد القهار.
خلوني اتكلم عن صنفين بالاعلاف وهم البرسيم والتبن.
طبعا فيه اسباب انا ما اقدر افتي فيها لانها تختص بالمزارع نفسه من مواد واسمده وغيره
اما ما اعرفه انا ان اللبانات زادة بالسعر للربطه...قبل كانو ب نص ريال...ولكن هالسنه اقل شئ بريال...وكذالك التبن وصل تلبينه الي ريال ونص الي 2 الا ربع....طبعا تلبين التبن اغلا من تلبين البرسيم.
سبب اخر وهو التحميل....فبل كانو اذا زاد سعر الحماميل يكون نص ريال...واليوم وهاللحظه ب ريال الا ربع لو تنكسر ارقبتك ما نزلو هلله.
ابي اتكلم عن البرسيم....سيد الاعلاف المالئه....وهو بالنسبه لي هو سهم سابك الاعلاف وانا عكس اللي يقولون ان الشعير له تاثير عليه.
والايام الماضيه والسنه الفائته اكبر دليل.
وسبق اني خصصت موضوع لهذا السهم وهو البرسيم واليكم الرابط.
وكان في شهر 6 ميلادي وشهر 9 ميلادي ثاني تحذير
http://www.aghnam.com.sa/vb/showthread.php?t=103640
http://www.aghnam.com.sa/vb/showthread.php?t=117320
نبدأ في قمة الانتاج والغزاره في المحصول وسبق اني ذكرة للاخوان ان سعره متماسك لهذا السنه وكان من شهر 6 هجري وهو ثابت لمدة شهر على 11.5 الي 12 ريال؟؟؟؟؟؟؟؟
أيضا شح الشعير في الاشهر الماضيه ادي الي سيل لعاب المشتثمرين واللي كانو يخزنون ما يقارب 2 مليون الي 4 مليون ربطه.
كان السعر مغري لهم ولا توقعو ان السعر راح يرتفع وموسم الحصاد لا زال في قمته...فباعو بمعدل 15 الي 16 ريال في شهر رمضان والشهر اللي بعده...بينما كانو يبيعون في نفس الفتره ب 12 تقريبا.....تفرق معاهم لاننا نتكلم عن ملايين اللبنات؟؟؟؟
لان العام الماضي وكلكم تعرفون ان سعره قفز الي 30 ريال او يزود شويه في بعض المناطق.....وزحازيح السوق قولو ان اكيد فيه راح يجي رؤوس اموال وراح يخزنون لهذا العام.....ف من الجهتيتن هم العبوها.
طبيعي صغار المستثمرين اللي عنده حول ال 30 الف وحولها راح يبيعون اذا شافو اهل المخازن باعو....وبرضو السعر مغري.
ناهيك على ان السعر كان متوجه للاعلي بسرعه اكثر من الموسم اللي فات.
طبعا ولله الحمد ان فيه مشتثمرين خزنو بمعدل 250 الف ربطه لكل مستثمر...وهي اللي الان تشوفونها بالسوق على مستوي كل المناطق واكيد ان المناطق الزراعيه الثانيه قريبين من هالتقديرات لان الجوال ما خلا شئ....وكلن يعرف منهو اللي خزن ومنهو اللي يصرف.
انا اقول ولله الحمد لان فعلا لو ماكان فيه ناس امخزنين....والله العظيم راح يوصل 43 بالراااااحه ( طبعا ادري ان البعض يقول اخذ شعير احسن...براحتك انشالله توكلها بسكوت ديمه....انا فقط اعطي نظره للي انا قريته لهذا الموسم)
بالاضافه ان الانتاج لهذا الشهر وقف بسبب البرد القارص.
وايضا...سعر العام الي مضي اغري جميع المزارع انهم يحرثون ويزرعون برسيم.....وهذا اللي خلا فيه توازن لا يوصل لاسعار فلكيه وهذا هو السبب اللي خلا التبن يوصل سعره الي 20 ريال لهذا اليوم في طبرجل....انا واقف عليه.؟؟؟؟؟
كثير من المزارعين حرث الارض وبذر برسيم......مما ادي الي شح في انتاج التبن لهذا العام بشكل مووووو طبيعي.
وسعره اليوم 20 ريال في طبرجل.
وانا ذكرة من خلال هالرابط ان وضع التبن خطييييييير للغايه.
http://www.aghnam.com.sa/vb/showthread.php?t=103004
ووضع التبن راح يستمر لمدة 3 الي 5 سنوات لسبب واحد فقط... لان اللي زرع برسيم مستحيل انه يحرثه ويزرع قمح الا اذا مات البذر.
وعلى حسب علمي ان اللي بذرو لهالموسم بذارهم ابو 5 سنوات.....او خلونا نقول انهم بالغو شويه ولكن اردي نوع من البذوز يعطيك 3 سنوات...ومستحيل انك تحلاثه الا اذا كنت مجنون او امضيع عقلك.
ف بكل بساطه التبن صار مثل الذهب.....وراح يستمر الي ان يقتنعون اهل البرسيم وبعد 3 سنوات على الاقل انهم يزرعون قمح.
وانا ذكرة ان وضع التبن لهذا العام موووو طبيعي لان الناس احرثت وابذرة برسيم لان سعره العام كان مغري اكثر من القمع.
باختصار......التبن ناااادر....حتي اللي امخزنين قبل 3 و 4 سنوات....فكو سيمه ولبنوه من جديد وباعوه.
الحلول.
كلن بعقله راضي والواحد ابخص بحلاله...سواء قطع البرسيم او قلله او استبدله..فكل واحد له طريقته الخاصه وانا ماراح اتعمق بقدر ما انصح انهم يتيعون طريقه اقتصاديه خاصة بالبرسيم.......وبس
طبعا....التخزين والشرا ما يكفي لموسم المربعانيه او موجات البرد او اقلها تخفف الضربه اللي راح تجيك لاسمح الله من الغلاء.
طبعا اكيد تسالون متي احسن وقت للشراء...وانا اقولكم اني راح انزل موضوع لما اشوف ان السعر خلالالالالالالالالالالاص على الاخر وراح ابلغ الكل بان هالاسبوع هو اسبوع المشترا..
سواء تشتري من السوق...او تكلم احد تجار الاعلاف...او تشتري رشاش وتلبنه على كيف كيفك وتنقله لمراحك...اهم شئ تصرف.
عدم الاندفاع ورا الشائعات والركض ورا المحهول وسالفة ان الشعير توفر او انقطع او ترا السعر راح ينزل او ان المزارعين طماعين او التجار اصابهم الجشع وغيره......يا اخي يوم كان ب 11 و 12 الي 15 وينك عن المشترا؟؟؟؟
والله العظيم ان برسيمي اللي هالحين اعلف به عنمي منزله ب 11.25 ريال من هذاك الوقت...وللحين موجود ولكن على اخره
والتبن انه ب 9.50 ريال .... والذره البيضاء الامريكيه ب 11 ريال ؟؟؟؟؟؟؟؟
خلني اشتري هالحين برسيم ب 40 ريال...ما تفرق اذا انا طول الاشهر الماضيه ما اشتريت من السوق....وبعدها ينزل الانتاج ورص تريلات بالمراح وربكم كريم.
اخواني: هذا رايي الشخصي البسيط.....ولا اقصد الشماته او النتقيص من الاخرين.
وانا اعتذر بالنهايه لاخي بدر بن سعد واخوي هــادي خصوصا........لان المواضيع مرات تطلع من اليد وقد يسيئ الطرف الاخر الظن.
فانا اعتذر امام الجميع لكم.....واطلب ان النيه تصفي واطلبكم العذر والسموحه.
محبكم في الله
ابو هديل
