في احد ممكن يفهمني ويساعدني ؟!
السلام عليكم بنات شلونكم شخباركم ؟ :eh_s(17):
بنات والله ماأدري شقولكم احس في كلام وايد ودي اقوله بس مو عارفه شلون أبدي وشقول. يمكن بعضكم يعتبر اللي فيني شي عادي وبسيط بس الأشياء اللي بقولها وايد مضايقتني :(
انا ابيكم تقرون كلامي كله وتفهموني وتساعدوني وانا أدري انكم ماراح تقصرون وياي بشي وفيكم الخير :eh_s(17):
اول شي يا بنات انا عمري 19 ادرس وفي منكم يمكن يعرفني وقاري قصصي مع اللي كنت احبه واكلمه والحين مابيني وبينه شي ويمكن يكون هالشي خيره والحمدالله على كل حال الله وخرني هالشي وخيره لي اني اتقرب من ربي اكثر واكثر وربي لك الحمدالله وعسى ربي يثبتني وياكم على طاعته ..
بنات السالفه يمكن صارلها شهرين بس للحين مو قادره انساه وايد ايي على بالي واتذكر كل شي حلو فيه واحس اني للحين ابيه واحبه وكل مااتذكر اللي سواه فيني اقول لا حرام اهوا مو جذي ماابي اظلمه مع ان الكل قال خلاص حقيقته بينت بس ماادري ليش عقلي موراضي يستوعب :( واييد ايي على بالي واتضايق واغلق واحس شي قاعد على قلبي مادري شالحلل :(
وثاني شي بنات انا وايد افكر واحاتي المستقبل .. كله اقول انا بعد جم سنه شنو بيصير فيني شنو اللي بيتغير بحياتي؟ كله اخاف اني افقد امي وابوي واقول لو بعد عمرن طويل ماتوا انا شبيصير فيني من غيرهم ؟ وابجي حيل يابنات وتصك فيني الدنيا والله انا حيل متعلقه فيهم واخاف افقدهم عسى ربي يطول بأعمارهم ويجعل يومي قبل يومهم ..
وثالث بنات انا صايره ما أأمن على احد حتى اقرب الناس لي صرت اشك احس نادر مافي احد نظيف بهالوقت من كثر مااشوف سوالف واسمع بلاوي احس الكل تغير والكل غرته دنياه مع اني ادري ان في ناس نظيفه بس احسهم ناادرين وصعب القاهم :(
ورابع شي يا بنات انا فيني شي ماادري شنو اسميه عاطفه زايده او اني حساسه زياده عن اللزوم انا وايد حساسه وعلى اي شي يعني مثلا الحين بنت خالتي بالبيت بروحها وضايق خلقها قالتلي امشي نطلع بس ظروفي ماتسمح واهي حيل متضايقه لمن اقولها ويضيق خلقها انا وايد اتأثر ومرات ابجي وحيل تكسر خاطري والله هالشي يعور قلبي احس كل شي يكسر خاطري ويعور قلبي ماادري شلون اوضحلكم هالشي :(
وهم يابنات انا اخاف اتزوج احس الرياييل مالهم اماان مادري شلون والله ادري كلامي مخربط بس انا وايد متضايقه واحاتي وكله افكر بشكل سلبي مادري شلون احس نفوس الناس وايد تغيرت وانا احس من داخلي مكسوره وكله متضايقه وحزينه مع اني وايد اضحك وعلى كل شي واللي يشوفني يقول ياحظها بس الله يعلم اللي بداخلي :( بنات قولولي شلون اوخر هالاشياء عني وافكر صح ؟ ومااحاتي باجر ومااخاف ولا اتضايق؟ وادعولي تكفون ان الله يريح قلبي ويعوضني ويسعدني
وعالاقل رفعوا الموضوع الله يرفع مقداركم
ومشكورين ماتقصرون يزاكم الله الف خير وعسى الله يفتح على كل وحده ترد علي ويوفقها دنيا واخره :eh_s(17):
