لغه شائعه في التعامل مؤخراً !!

بسم الله الرحمن الرحيم

السلام عليكم و رحمة الله و بركاته

شلونكم بنات ..

موضوعي يتكلم عن (( العنف ))
أكيد كلنا نعرف العنف بشكل عام بس اللي غفلنا عنه الاسباب !!

من الإجتماعات والمقابلات و النقاشات اللي سويتها في المدرسه و برا المدرسه
توصلت إلى أن
العائله كانت سبب في أكثر حالات العنف .. شلون ؟
بعض اليهال يدلعونهم أهلهم و هذا الدلع يوصل لحد إن هالياهل يغلط على الناس بدون عواقب
و الأهل يوقفون معاه ومستحيل يكون غلطان
يكبر الياهل و اهو يطق باقي اليهال و عقابه يكون بكلمه
يدخل الإبتدائي واهو متعود ان محد يحاجيه إذا غلط و ما يفرق أصلاً بين الصح و الخطأ
أهله عودوه إنه ما يكون غلطان ... ((1))

-------------------------------------------------------

نوع ثاني من التربية :
يحس الياهل إن أهله مو مهتمين فيه ينطق ينزف حتى لو كان مظلوم
و إذا كان غلطان يبالغون في العقاب
يتعود هالياهل إنه ينطق و اذا شاف ياهل ثاني بيلعب معاه يقوم و يطقه < لعب طبعاً>
لم يكبر يكبر العنف معاه و يتعود على هالشي .. ((2))

---------------------------------------------------------
نوع ثالث من التربيه :
الياهل يكون بهالحاله عايش جوه أهله ما يدرون عنه متى ما بغا يطلع من البيت طلع
و اذا غلط محد درا عنه
الياهل هذا يربي نفسه بنفسه كل مشكله يلقالها حل بطريقته الخاصه
و أسرع حلوله تميل للعنف دايماً ((3))

لم يجتمع الأول مع الثاني مع الثالث تتوقعون شنو المشاكل اللي ممكن تصير ؟