المنتخب السعودي واللغز الغامض
بسم الله الرحمن الرحيم
اعزائي...
لا اعتقد اني بحاجه لشهادة في لغة كرة القدم او خبرة عشرات السنين لكي اعرف مشاكل المنتخب السعودي واسباب تدهوره.
سوف اضع بعض النقاط التي في اعتقادي هي من اهم مسببات اخفاق منتخبنا السعودي واتمنى منكم اضافه ما ترون انه قد يكون احد الاسباب التي لم يتم المرور عليها .
1- اللاعبين وثقافه النادي ثم المنتخب وبدون الدخول في التفاصيل وامور الكابتنيه والى اخره.
2- تدخل من ليس له شان في مهام المدربين لدرجه انه اصبح المسوولين يبحثون عن مدرب مستعد للتجاوب مع طلباتهم.
3- مدربين الغفله وهم المدربين اللي يجي على عماهم ويقول اوكي بدرب جيبولي لاعبين ويتابع له مباراتين ويقول جيبولي هاللاعب علشان يصير واو طلع لاعب جديد ياخي ما يبيلها يبلنا مدرب من بدري يتابع الدوري السعودي زين ويادي جميع مهامه الوظيفيه مو مدرب كل شهرين ما تمر سنه الا جاينا عشره.
4- التجهيز لمباريات المنتخب الزايد عن اللزوم لدرجة ان المعسكرات صارت من اهم اسباب اخفاق اللاعبين على صعيد المنتخب والدوري. يعني يا عزيزي لا صار فيه معسكر للمنتخب يرجعون لك اللاعبين مكسرين ومندمرين.
5- الاعلام ولو اتكلم عن الاعلام لمدة سنه ما اخلص بس ابي اوضح اني وصلت لدرجة صرت احس ان اعلامنا يفرح لاخفاق المنتخب علشان بس يطلع ويقول " قايلكم"
6- وفي النهايه اكيد عدم التوفيق من الله عز وجل واكيد انه اول الاسباب. بس التوفيق ما يجي الا لما تصلح اغلاطك وتجتهد.
شكرا لمروركم وفي انتظار ارائكم بصفتي اني توني بادي اكتب مواضيع وحركات واتاسف لعدم الرد المبكر عليكم لعدم خبرتي بالمنتديات فالشي اللي بالعاده تحتاجون خمس دقايق علشان تخلصونه انا يبيلي ساعه
تحياتي,,,,:smilie47:
