للمتزوجات فقط ( ايجابيات وسلبيات ) الكل يجاوب
السلام عليكم
بنات اليوم بحط موضوع كل وحده تقول شنو الشي اللي تحبه بزوجها وشنو الشي اللي ما تحبه
يعني مثلا انا احب شي بزوجي ويضحكني هالشي بس ما ابينله
كل ما يرد من الدوانيه ( واهو يوميا دوانيه ) اسأله ها منو فاز بالجنجفه؟
دايما جوابه يكون ( ما يبيله طبعا انا كسرت راسهم تخيلي لما ..... ويبدي بالقصه المعتاده ان بالنهايه قالوله انت ملك الكوت ) :p
هالسالفه تقتلني ضحك وانا كله اقوله اي كفوووووو زين تسوي فيهم وبقلبي اقول ( خف علينا يا جنقر يا سوبر مان يا امبراطور الكوت )
بنفس الوقت اتخيل ان بنفس هالوقت كل ربعه يم حريمهم ويقولون نفس جملته :p
فديت ملك الكوت والله اراهن كل اللي بيردون علي رياييلهم ملوك الكوت :p:p
--------------
والحين الشي اللي ما احبه فيه
ان ما يقولي اللي بقلبه اذا مضايق يسكت ويعكر المزاج :bbbiu:
يلا دوركم :eh_s(22):
