هذي سماحه والاقناعه

اغنام - ابل - دواجن - طيور

أخواني مريت على سوق الغنم يوم الجمعه الماضي ابشتري لي ذبايح ولقيت لي شايب وجه خير ينحب من أول نظره سبحان الله ومعاه 8 هرافى لبانيات نعيم اعمارها ماتعدى 3 شهور وطيبه بالحيل ويسومونها السوامه والشريطيه ووصلوها 900 وفرقت السوم عليها ووصلتها 1000 ولما حملتها بالسياره عطيته 8000 آلاف ريال ورجع لي 500 ريال قلت له ليش رجعتها قال انا حقي وصلني فيها وزياده يقصد مربحه واللي وصلني رزق وخير كثير وادع لي بالبركه وترى طيبة الخاطر والنفس للبايع والشاري خير وبركه واللي طرحته لك يصفي الانفس ومجلبة للرزق والقليل يجيب الكثير.
ماقولكم في هذي البيعه ووش الحكمه ومنهو اللي اليوم بيسوي مثل مايسوي هذا الشيبه .


دمتم بخير