مجلس طبي ....ونقلوني

السلام عليكم ، أخواتي
عندي مشكله واهي أنا أخذه مجلس طبي حملي عزيز واذا حملت اسقط فقلت بحملي الاخير أخذ مجلس طبي وعلى بداية السنه قدمت عليه وتعرفون عبالة المراكض وراه فعطاني دكتوري اجازه اربعة عشر يوم أنا ماداومت لأني ممنوعه عن الحركة وكنت بشهري الخامس طبعا دقت علي رئيسة للقسم وقالت تداومين قلت لا طبعاً قالت لي راح أعطيك صف واحد قلت ما اقدر، كنت حامل بتوأم طبعاً ما قلت لها لما راح زوجي للمدرسة يودي ورقة الآجازة تفاجأ انهم ناقليني دق علي طياره رحت أدق على رئيسة القسم طبعاً ما ردة عل الا بنهاية الدوام قلت لها قالت مو مني والا أنا أبيج وقعدت تصرف لعمرها ما تبي المسؤلية المهم طنشت فيهم. الحمد لله ولدت واخذت إجازة الوضع وكان بورقة الإجازة عنوان العمل الجديد بس أنا وديتها بمدرستي القديمه الحين باقي شهر وتخلص إجازتي سؤالي أنا ابي اقدم إجازة أمومه
هل اطلبها من مدرستي القديمه او اللي نقلوني لها مع العلم أني ما وقعت إخلاء طرف
عيالي للحين ما طلعوا وأبي أخذ وقت كافي معاهم ،اسفه طولت عليكم بس شنو اسوي مالي غيركم وسجلت خصوصا لهالموضوع لأني خائفه يصير شيء اندم عليه .*