مهمومه وتعبانه نفسيا..........

السلام عليكم

احب اتابع مواضيعكم دايما ومستفيده منكم وايد مشاءلله عليكم

بس هالمره انا تعبانه وابي حل او كلام يريحني بحكم ما عندي خوات انتم خواتي بتساعدوني

وانشاءلله القى شي يريحني من الي انا فيه........

راح ادش في الموضوع على طول




انخطبت من ولد عمي شهر الي طاف

ولد عمي هذا كان كل ما يقلوله اخطب بنت عمك يقولهم مثل اختي اهيا لدرجه ان خواته قالولي

هالكلام ان اخوانهم يعتبروني مثل اختهم وما يفكروني فيني كزوجه ... حتى امهم قالت هالشي جدام امي ( فلان انقوله بنت عمك احسلك يقول مثل اختي لازام اقعد معها واطق ايدي بايدها علشان ابين لكم انها اختي ) هذا الكلام قالت امه تقريبا من سنتين


كان في ناس مكلميني في الدوام بيخطبوني بس ناطرين امهم ترجع من رحلت العلاج واهم خوش ناس وانا ارتحت لهم حييييييييييييل ولا حتى بجيت ولا حسيت بضيقه يعني بلعكس كنت مستانسه وبقول حق امي بالوقت المناسب انها بتشوف بنتها عروس ...


يوم اكره يوم بحاتي ابوي بسياره واهو يايبني من الدوام فاتحني بالموضوع عقب مقدمات طويله

لما عرفت اسم الي خطبني ولد عمي فلان شهقت وبجي ولا اكل ولا نوام وتعب نفسي موطبيعي ما اطيقه نعفست حياتي فوق تحت ... حسيت اني كنت اسبير عنده راح خطب وايد بنات بس محد وافق عليه الحق ينقال( محافظ على صلاة وما عنده خرابيط ولا يشرب زقاير حتى صلاة الفجلر بوقتها يصليها ) ........


حسيت اني اسبير له محد عطاه قال بنت عمي موجوده وصليت استخاره ورتحت لها والحين ابيها امي وابوي طارو من الفرحه وانا بهم مو طبيعي شلون هجوم خواته علي لما يقلولي انتي مثل اختهم ما اقدر انسى هالشي ابدا واقول حق اهلي ما ابي ما اطيقه ابدا


استخرت حسيت مثل الطابوق على صدري وبس اسمع باسمه او اهله اقعد لاشعوريا ابجي بنهيار

خلاص راح اموت من الضيقه

اذا مر يوم ومحد جاب سيرته شنو ارتاح اكل واشرب وعادي


امي تضغط علي وخالتي وبنات خالتي وعمي وابوي والكل يقولي نعرف مصلحتج اخذيه احسلج


المهم ما اطول الكل يضغط علي قلت يمكن كلامهم صح وهم افهم مني حددت يوم اقول رايي النهائي


الكل موجود والله جنها انتخابات ........... المهم كنت بقول لا ما ابيه المهم راحتي النفسيه

ولا امي دخلت علي قالتلي عيب عليج هذا ولد عمج ولاتزعلين الموجودين وتعبين ابوج احنا نبيلج الزينه والخير ولا ترفسين النعمه بريولج والله ويجيج يوم اتحسفين عيله انج رفضتيه ......



وقالت لي الحين تطلعين وتقولين موافقه ولا تشوفين شي ما شفتيه ..... خفت منها

وطلعت وانا ابجي قلت موافقه ابوي يشوف دموعي بس قالي اكيد قلتله اي قالي ليش الدموع قلت له اشوي متضايقه يقولي ادري انج متعلق فيني انا وامج حيييييل وتفكرين شلون بتفارقينا


بس احنا يمج وحواليج يبا انا الغصه اذبحتني اكثر واكثر


انا ما اطيقه ولا ابيه انجبرت عليه ....... الكل عرف اني انخطبت حق فلان

ابوي سأله قاله انت تقول اختي والحين تبيها زوجه ( يقول اخترتها عن قناعه )


بس انا مو مقتنعه.......


عمي يانا البيت اهو وزوجته يحددون المهررررررر......حسيت انهم يحفرون قبري اهلي كل كلمه

سجين بقلبي..........استقبلتهم بابتسامه زائفه من قلب وحياء مصطنع من قلب مثلت الدور عدل


راحوا وانهرت من البجي حييييييييييل اهني حتى خواني وقفوا ضدي انتي تلعبين علينا شلون نتراجع الحين بست اريول الكل وايداينهم بس ماكو فايده ابدا محد يسمعني .....ز


ابوي اهو حنون علي بس ابوي يفكر انه هذا كله دلع بنات كان ياخذني معاه ويسولف علي ابي اشوف اعيالج واتطمن عليج ومن هالحجي يقولي هذا الشيطان يقص على الانسان يدمر حياته


سكت قلت شقول حتى انت معاهم مع ان ابوي اقرب لي من امي بواااااااااايد احب اسولف مع ابوي اكثر من امي


المهم ححدو الملجه كنت اقول انشاءلله يتفركش كل شي سوولي حفلة الملجه ولبسني الشبكه

حدي كارهته وليعه جبدي من قربه حييييييييل وقهرتني المصوره اتسوي حركات رومنسيه لما يلمسني بالصور حتى رعشة الخوف ما احسها ولا حتى بحنان لمسته الي سمعت عنها من بنات خالتي ما حسيت فيها حسيت بكره وجافه معاه


مع انه هذا موطبعي واحب الرومنسيه ودلع بس لاعت جبدي منه


طبعا انا كنت اتقن دوري عدل كل شي مصطنع الحياء والابتسامه


مايدرون هذي ابتسامه قهر وعيوني كل ما تنترس دموع اعظ على اسناني حيل



ومن يوم الملجه مادق ولا اصلا طلب رقمي ولا قعدة معاه ولا شفته ولا طلعنا مع بعض نهائيا


ولا شفت منه هديه حتى ......


احسن لاني يمكن اتهاوش معاه


خايفه من حياتي معاه ........... تعبت ودموعي للحين شغاله ما وقفت

ساعات امي تصرخ علي شلون ادخلج صالة العرس ودموعج على خدج اشفيج ابلع البجيه على قولتهم


الحين ما ححدو العرس حتى جهازي ما احس بطعم الوناسه اني بجهز كل ما يوروني شغله اقولهم بعدين مالي خلق اشتري



هذا الي صار معاي


وقت ما خطبني اربع اخطبوني معاه مر علي شهرين خطاطيب اكثرووووووو

وقبل هالشهرين حلمت حلم ( اني دخلت غرفه حلوه وجادي تاجين تاج من ذهب حلووووو وتاج من فضه هم حلووووووو وكل واحد يقول الزود عندي ويفضخون القلب من حلاتهم ..... كنت ابيهم اثنينهم ولا صوت اسمعه يقولي لج واحد بس قلت الذهبي مثل الملكه حلوووووو اخذت الذهبي)

ما ادري شسوي؟ وين اروح شقول ؟ تعبااااانه؟

شكلي حاتي راح تخترب وحتى انا نايمه ابجي

ساعدوني خواتي :eh_s(11):