-
واقع كويتي مضحك
اذا تكلمنا بالكتابه نقول اسمع واذا تكلمنا بالتلفون نقول شوف .. ليش ؟
الكويتيه تقول ياليت اسافر بروحي جم يوم اغير جو وابعد عن هالناس وهي اذا جت تطلع الحوش بالليل قالت منو يجي وياي ؟ اخاف اطلع بروحي
اكثر أم تعرضت للسب والشتم واللعن هي
أم الزحمه
بس خلاص باجر بسوي رجيم جمله تقولها البنت الكويتيه بعد ماتاكل الأكو والماكو
نصيحه : اذا لم تستطيع النهوض من النوم صباحاً بسبب البرد تعوذ من ابليس وتلحف وكمل نومتك وفكر ان الديره مو واقفه عليك
اشرايك تكت بطاطك علي بطاطي ونسوي عزيمه .. قصه لن يفهمها عيال الجخ
هو هو هو : قد تعتقد انه نباح كلب اذا كنت غير كويتي ولكن في الحقيقه هي كلمه كويتيه حريميه تستخدم للسالفه اللي فيها هوايل وسواد ويه
متي تحس بالاحراج وودك تموت ؟ لما يجي واحد يعطيك شي تقول له لا مابي يقول موحقك بس امسك شوي
ززززززززز. يقولها الكويتي لما يحط كلينكس داخل اذن اي احد نايم يعني ذبانه الحمدلله علي نعمة العقل
الكويتي يقول لابوه ياخي افهمني ويقول لاخوه يبا افهم ويقول لولده ها يبا والام لولدها جيت يما الحين شنو العايله ضيعت
ابوي يبيج :جمله تؤدي الي استرجاع ما مضي من مصائب وبلاوي
وراء كل بوت كشخه دلاغ هيلقي ملون
من مميزات الرجل الكويتي يملك قلب كبير واسع بالمحبه ويفيض بالحنان والعاطفه الجياشه لدرجه اذا احب فتاة يحب معاها رفيجتها
( حبيبك وصل)
جملة كويتية تأتي تلقائيا
"عند قدوم ..شخص مكروه
عادي احل من فهمي ؟ جمله كويتيه تؤدي الي انشاء منهج جديد
فقط في الكويت اذا كحيت في مسجد لازم خمسه يكحون بعدك ! تحس انك داز برودكاست كحه
كلمه كويتيه مالها معني ( مع احترامي لك انت حمار ) شكراً علي الاحترام الزايد
عندما دخلنا الامتحان وجدنا أسئله لا نعرفها لذلك وضعنا لهم اجوبه لا يفهمونها .. البادي اظلم
يوم السبت مهما نرقع فيك بتظل كئيب وسخيف وثجيل طينه
لأن بعده دواااااااااام
في البيت الكويتي ما يحلى الصراخ ولعب الصيدة مصيدة وتكفخ البيبان واقامة مجلس الشورى والتباحث في امور الحياة الا يم غرفة الكائن البشري النايم
و الوالده ماتحلى مكالماتها الا فوق راسي
خو يابعد راسي خلصت الاماكن بالبيت
