سواليف شيبان ( أللى عنده سالفة لايبخل بها علينا ترى نستاهل)
هذى سلمكم الله تاريخ جدي الله يرحمه يارب ويسكنه فسيح جناته,,,,
الله يطول بأعماركم فى طاعته جدي هذا كان فارس مغوار <=== هين كثري منها;)
ومن كثر شجاعته كان يشار عليه بالبنان ( يمديكم على البنان؟ ماظن) المهم
فبطولاته لاتعد ولاتحصى , وكانت جدتي رحمها الله بعد , أنسانة طيبة جداً وتحب جدي بالحيل بلحيل( قولوا ماشاء الله لو أهم ميتين للإحتياط :D )
وكانت هي سبب بطولاته , قولوا ليه ؟
سنروى لكم الرواية على لسان جدتي منزو طفولتها حتى وفاتها على يد الشيخ سكر بن ضغط
هذا سلمكم الله السالفة دوكم اياها على لسان جدتى:
شوفي يابنيتى يارهيبة ترى جدتس عبدالمحسن (ويدلعونه حسونة) كان رجل مقدام ( خطيرة مقدام اجل) ماحد يلحق له غبار , يمشي فى العصر من مدينة الطايف لمكة ياصل مكة بعد سنة :D كححححح قصدي بعد نصف ساعة:eek:
قلت لها أنا من شدة انبهارى : تعوذى ياشيخة ؟ قولي غير تسذا؟ ليه لايكون جدي صاير ( طيارة أباتشي) فماكان من جدتى غير تلفخنى على علباى بتبسي الرز على بالها أن الغدا جا
المهم نكمل خط السالفة معها:
ويابنيتى ترى جدتس رجل مهوب سهل له بطولات كثيرة لاتعد ولاتحصى ( هاه عاد وش رايكم فى لاتعد ولاتحصى؟)
يوم أنا كنت صغيرة فى القرية تسان فيه قطاع طرق يمرون ويسرقون القوافل ( ايه اى قوافل الله يرحم حالتس قولي ياجدتى فلافل |4| )
وكان جدتس يارهوبة جالس فى الطريق يشرب فى هالزقاير ويتحرى هالقطاع بسكينة بلاستيك :confused:
ايه لاتفغرين اثمتس تراه قوى بشكل يقدر يذبح التيس بدون مايجيب سكينة بس باظفوره :eek:
وراتس يابنيتى ترى والله لن زاد فتحتى أثمتس لاحوس ابوجد السالفة وأجيب الطعة فيتس وفى أمتس الى موخرتن الغدا ومنشبتس فى حلزى :mad:
المهم نرجع لمحور نصبنا كححح قصدى حديثنا:
وأبد يجلس يتحراهم , وكانت جدايل جدتس ( حسونة) طوووووووووويلة بالحيل بالحيل حتى يوم يجي يمشطها يضطر أنه يفرد شوشته على رواق الخيمة كامل علشان أخوه سفيران يمسك طرف وهو طرف ويبدون يكدون فى عرادته :confused:
المهم يابنيتى هي سوالف كثيرة ماقدر أحصيها لتس لكن لتس هالموقف
للحديث بقية يتبع
