اذا منقبه لا تاخذين عنده !!!!

قوه بنات





جمله دايم اسمعها


اذا منقبه نصيحه لا تاخذين عند هالدكتور


سمعتها كذا مره ودار في بالي مليون سؤال


من صجكم في ناس تفكر جذيه !!!


ليش ؟؟

او اسمع جمله ثانيه : ترا هالدكتور ما يحب البدو او الشيعه


والمصيبه بعضهم يطلع بالتلفزيون ويتشدق بالوطنيه وان احنا شعب واحد و ..و...


شنو هالتفكير الخطير


ووين امانتك في تأدية عملك

انت واجبك يا دكتور انك تدرسني وتدرس غيري

بضميـــــــــــر وتنصفني

وواجبك انك تحترمني وتحترم غيري

انا طالب عندك العلاقه بيني وبينك مبينه على الاحترام انت تقوم بواجبك كمدرس معاي

وانا واجبي احترمك والتزم في الدراسه

وبس

اما لوني لبسي ديني اصلي

هذا شي ما يخصك وخارج حدودك كمدرس

والبعض عنده ازدواجيه بالمعايير والمبادئ يعني

مطلعه نص فخذها يقول هاذي حريه شخصيه >> وانا معاه 100%

وبالمقابل طالبه اخرى منقبه او محتشمه

ومعاملته تختلف

تصير عنده مشاكل نفسيه والعقد تشتغل ويصير عنده مليون نقد ونقد على الفئه اللي تنتمي لها

انا للامانه ما شفت بس يضايقني اذا سمعت هالحجي

شلووووووووووووووون لو شفت

وشتقووول اللي عانت من هالشي

بنات

ابيكم تشاركوني النقاش بهالموضوع

طبعا الموضوع مو عن المنقبات بس انا اقصد التمييز بشكل عام >> عشان ما تصك هوشات

التميز الفئوي او المذهبي

ابي الكل يشارك بالرفض او القبول

وطبعا اذا شفت في ردود بقول اسامي الدكاتره اللي سمعت عنهم هالحجي