قصيده ناصر الفراعنه

اغنام - ابل - دواجن - طيور

ناصر الفراعنه يفجر قنبلة الموسم بقصيده مدويه.

اخر قصيدة للشاعر ( ناصر الفراعنه السبيعي )

لا يا مليك المملكه ماعاد في الدعوى سكوت
... نبا نقول الحق لو إنك تقطع روسنا

العام كنا مانفكر وش نجيب اليوم قوت
واليوم حنا في بلدنا كننا في البوسنا

من الفقروالجوع والحظ الردي خطرً نموت
وأنتم على الدار البعيد توزعون فلوسنا

قام الزمان يدوسنا ويشوتنا باالرجل شوت
وحنا رجال ٍ ما تعودنا الزمان يدوسنا

ماعندنا زوجه ولانملك مع العالم بيوت
حتى بعد صعبه علينا نشتري ملبوسنا

مامن معاش ٍ في نهار وليلنا مامن سبوت
نعطي متاهات الخلا على ظهور جموسنا

مغير نشعب مع فيافي نجد في ظهور الفروت
والرزق بعد الله على طلياننا وتيوسنا

حنا بدو ونعيش في شهب الصحاري والخبوت
من عزنا نقدر نموت ولانذل نفوسنا

وخزانة الدوله معششت ٍعليها العنكبوت
يمكن يجيها واحد ٍ ويحوسها ويحوسنا

لا يامليك المملكه وإلى متى حنا سكوت ..؟
نبي نقول الحق لو إنك تقطع روسنآ,,,,,,,,,