أحد يصوم ومطمئنٍ بداره

[poem=font="Simplified Arabic,4,white,bold,normal" bkcolor="gray" bkimage="" border="double,9,sienna" type=2 line=0 align=center use=ex num="0,black"]
احدٍ يصوم ومطمئنٍ بداره = واحدٍ يصوم وداخله خوف يغشيه
من غارةٍ بالجو تحرق صغاره= وتهدم عليه البيت لاشي يحميه
واحدٍ يصوم الشهر عنده فطاره= واحدٍ يصوم العام فالجوع حاديه
واحدٍ على اليمّه صلاته اشاره= واحدٍ معافى لكن الدين ناسيه
يصوم عاده مثل ربعه وجاره = قلبه حجر مالان وابليس مغويه
متناقضاتٍ في زمان الحضاره= والكل تايه ما لقى من يقدّيه
والقدس راحت مننا يا خساره= وهذا العراق اليوم بانت مواريه
والبعض منّا لو عياب جداره= ياثق بخصمٍ يضمر الشر ناويه
الخصم واحد عارفينٍ مساره = ما له امان ولو بعضنا وثق فيه
من يوم جانا النفط ياللخساره = الدين اقفى ما لقى من يراعيه
فاللي تمسّك به خطير انهياره = مما يشوفه فالزمن ما يدانيه
يبيه يترك ما بقى من شعاره = ولو قاوم التيّار يخسر تحديه
لا با عرب وش لون صرتوا حجاره= يلعب بها العادي على كيف يبغيه
لا انتم ملكتوا علم فيه المهاره= ولا انتم حميتوا دينكم من معاديه
ماشوف غير البهرجه والنظاره= نعيش وهمٍ والمعادي يغذيه
يستنزف الثروات باحلا قماره= قمّر علي عيونٍ تحبّه وتغليه
يسرق ذهب بابخس عروض التجاره= ويعطي قشورٍ تفرح اللي انخدع فيه
وهذي النتيجه وضعنا في انحداره= والغير روّح يبني صروح تحميه
المجتمع بالفرد يرسم مداره= وراسٍ بليّا اطراف ماعاش راعيه
واجب علينا لو نحس المراره= نبدا نتكاتف بالعزم فرض نبنيه
بالدين وحده نسترد الصداره= لا من هدر كالسيل محدٍ يوافيه
ماعندنا غيره أمل للبشاره = كلش تلاشى ما بقى شئ نخفيه
من لازرع ما ينفعه زرع جاره= ومن لاحسب لليل تاهت خطاويه[/poem]

أخي شاعر العثمانيات


قصيدة معبرة
مطرزة بخيوط الإبداع
صح لسانك

تقبل مني خالص الود والتقدير

الله


الله


فعلا قصيده معبره وتشتكي من الألم 000


شاعر العثمانيات ابدعت واجدت في الاسلوب الراقي والمميز000

نعم انت شاعر القلب الكبير والكلمه الرائعه000


هنا اجد الاستفاده ورغبه في القرائه مرات ومرات0000


احيك علي هذا الاسلوب الاكثر من رائع00


وقبلني من رواد قلمك وفكرك الشامخه وقلبك الطاهر 00


صح السانك لاهنت 00

تحياتي لك

اختك فالله نايفه

[align=center]صح لسانكـ يا الغالي

تحيه عطره
محمد[/align]

هلا بك أخي الفاضل الكريم/ مخاوي الأمل
الشهر مبارك وكل عام وأنتم بخير
لاهنت يالغالي على كريم الحضور الرائع
كل الشكر والتقدير وأطيب التحية

شاعر العثمانيات
صدقت والله اللهم وفقنا لقيام الشهر وصيامه
صح لسانك ولا هنت على القصيدة الرائعة
لك مني كل الحب والإعجاب