ما هو بيدي اللي تبي اعطيك يا روحي
غير الامل اللي يتصارع مع الياس
جرح(ن) خذيته من شظايا جروحي
يصرخ فؤادي وبالحشا جمرة احساس
هم(ن) يجيني ليل وهم(ن) يروحي
وهم(ن) بكى من همي و لا به معي ناس
في صدري طير من الالم دوم ينوحي
طير(ن) حبسته حسرة(ن) بين الانفاس
يا ليت قلبك مثل قلبي سموحي
ياخذ ويعطي للهوى دون مقياس
عيونك اسراري متى انتي تبوحي
شوفي عيون عيا لا يجيها الانعاس
يا حلم عمري باني(ن) لك صروحي
انتي غديتي في دنيتي البنيه والساس
يا كيف ابمنع عنك شوق(ن) جموحي
ابيك انا يا معشعشه وسط هالراس
ما لي مع غيرك يا زينه صلوحي
ابنطرك عمري و لا فيني انكاس
شعر : فارس الشارت
