السلام عليكم ورحمة الله وبركاته
من اليوم ورايح أعتمدي هالجريش بكل ثقه ولا تدورين غيره ولا تشرين جاهز
لأن جداَ طعمه مميز وخيالي
راح أخلي الصور تشرح كل شئ
http://www.hafralbatin.org/upme/hafr...75ebf2abb6.jpg
1_أفرمي بصله وحطيها بقدر مع شوية زيت وقطعه صغيره زبده
لما تذبل ويتغير لونها حطي شوية كمون و2مكعب ماجي وحركيه شويه عالنار لين ماتحسين راحت زفرة الماجي
هالفقرة نسيت ماصورتها عذراً
2_صبي 2كوب ماء مغلي +ملعقه خل أبيض+ وشويه ملح لاتكثرون الماجي فيه ملح وخليه عالنار 5 دقايق تطبخ لوحدها بدون ماتحطي حب الجريش بعد خمس دقايق حركيه وأضيفي الجريش بعد مانقيتيه زين وغسلتيه زين (وانا أرشح الجريش التركي فاتح شوي أفضل من غيره)
http://www.hafralbatin.org/upme/hafr...1a617c87c4.jpg
3_تخلينه لين ماتحسينه قرب يستوي والمويه قربت تنشف خذي كبشه جريش وحطيها بزبديه وحطي معها 2ملعتين زبادي وحركيها زين لين مايسير لونه أبيض مو قطع الزبادي واضحه أنتبهي لا.
http://www.hafralbatin.org/upme/hafr...5832ca1f64.jpg
http://www.hafralbatin.org/upme/hafr...176430ba19.jpg
ورجعيها للقدر وحركي شوي شوي لين مايندمج الكل مع بعض هنا صورتها
http://www.hafralbatin.org/upme/hafr...cfe61a58c4.jpg
وأهم شي التحريك المستمر عشان مايلصق الجريش فالقدر الله يعينك لازم واقفه جنبه لين ماتحسين سار ثقيل والمويه قليله.
وذقي ملحه وأنتي الحكم إذا يحتاج زيدي.
*خذي كبشة جريش ثانيه في زبديه وأضيفي لها 2ملعتين جبنه سايله الزرقاء وحركيها زين زين ورجعيها للقدر وحركيه ثانيه.
http://www.hafralbatin.org/upme/hafr...ff1b547dc2.jpg
*خذي كبشه جريش وللمره الأخيره وحطي معها ربع أصبع زبده +2ملعتين قشطه طازجه المراعي وحركي زين ورجعيها للقدر وأقعدي حركي القدر لين ماالجريش يتشرب كل السوائل وهذا شكله الأخير
http://www.hafralbatin.org/upme/hafr...115e3e81fe.jpg
http://www.hafralbatin.org/upme/hafr...cfe61a58c4.jpg
أخر شي تكونين مجهزه بصل الكشري او الجريش وملحته شوي
وتحطين الجريش بحافظه وحطي بالنص سمن خالتي هيا وإذا ماعندك حطي زبده بس موزي سمن خالتي وحطي البصل ورشي شي خفيف لومي (ليمون أسود مطحون)
وتمتعي بألذ جريش بالعالم
هذي الصوره كانت كميه كبيره أرسلتها لأصحاب زوجي ومن جد أنهبلو عليه ضاعو عقبها
http://www.hafralbatin.org/upme/hafr...9016132746.jpg
وأخر خطوه وأهم من الأكل دعواتكم لي ولوالدي بالفردوس الأعلى من الجنه
منقووول
