الحلم الصغير

كنت وأنا صغير ... أشوف الدنيا كلها ... كنها .... حلمٍ صغير

كنت وأنا صغير .. أرسم البسمة .. وردة على ذاك الغدير

كنت ألعب .. وغيري يضحك ...

كنت أبكي وكل من حولي معي يبكي ،،

كنت أحس كني أمير ... وكل من حولي يُدور رضا هذا الأمير

كنت أقول فــــ .. خاطري ....

كنت أمني خاطري ...

بكره أكبر .... وكل حلمٍ ..... يتحقق ويصير

بكرة أكبر .... ويكبر ذاك الأمير


وفجأة ........

كبرت ...

في غفلة ...... كبرت


وصار كل من حولي كبير ......

وفي داخلي ينام طفلٍِ صغير


جسمى كبر ....

عقلي كبر ......

كل شيء حولي كبر



إلا هذاك الطفل .......... في داخلي توه صغير


فجأة كبرت .. والدنيا تغيرت ،، والأحلام الصغيرة بعد كبرت


كنت أحلم بوردة ياسمين ............ أقدمها لكل من حولي

أبيهم يضحكون ........ أبي أحس بسعادتهم جميع


واليوم ......


أنا بعد أحلم بوردة ياسمين ..........

بس أبيها لي أنا .... أضمها بايديني أنا ... أبيها تسعدني أنا



كنت أبكي وهم معي يبكون ......... وكنت أضحك وهم معي يتجاوبون


واليوم .......


أضحك وهم بعد يضحكون ........ وأبكي بس هم بعد يضحكون !!!!!!!!


وما أدري ليش مثلي مايتألمون !!!!!!

بس يضحكون !!!!!


هي صحيح الدنيا تغيرت .......

وحلمي الصغير صار يُدور على ذاك الأمير


كبرت وصرت أشوف الدنيا بوضوح

كبرت وصرت ما أقوى حتى على البوح


كبرت فجأة وباختصار............

كبرت وصارت أحلامي ليلٍ بلا نهار

أنتظر فجرٍ جديد ، وأحلم بشمس تذيب الجليد

أحلم بالمزيد .......

وتتلاشى أحلامي ويتبقى المزيد


كنت أحلم وأنا طفل .......


واليوم .... أحلم بالطفولة كلها ...... في زمن صار الطفل فيه رجال كبير


كنت أقول وأنا صغير :

إن الدنيا كلها حلمٍ صغير ...... ويمكن يحققها رجالٍ كبير


واليوم كبرت .....وعرفت ......... وصرت أقول :

إن الدنيا ...... حلمٍ كبير

لايمكن يحققها طفلٍ صغير

ولا حتى رجالٍ كبير !!


غريب دنيا

واااااااااااااااااااااااا ااااو :ندو:

.. حــــــــــــــــــلووووة مووووووووووووووت ..

من جد تعبر عن النفس .. أحس اني وانا أقرا .... كل اللي بقلبي يطــلع :smile:

أللللللللللللف شـــــــكر .. أخوي أبو كاظـــــم

بس .. ليه حاطها بالغربلة ؟؟ :تصفير:

كلمات جميلة

وسرد جميل للحروف

سلمت اناملك على هذي الروعه

سلامي لك

الأحلام أمهات الحقائق

وهل يخرج الواقع إلا من رحم الحلم

وصفك لا يضاهى


وحلمك لا يقهر

وإبداعك يتباهى

كالوردِ إذا أزهر

و يظل الحلمـ مستمراً ..

و يظل الواقع في لحظات ضعف ..

ينهزم امام الخيال

اخي الفاضل ابو كاظم

ابحرنا عبر سطورك الرائعه وتأملنا كثيراً


نتظر جديدك وتميزك فلا تبخل علينا ابداً

حياكم الله